Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
O‘zbekiston musulmonlari idorasi tomonidan imom-xatiblar uchun “Botil da’volarga asosli raddiyalar” nomli yangi kitob nashrdan chiqdi.
Ushbu media-qo‘llanma ijtimoiy tarmoqlarda asossiz va botil da’volarni ilgari surayotgan turli radikal toifalarga qarshi kurashish hamda ularga asosli va ilmiy usulda raddiya berish maqsadida ishlab chiqilgan.
Kitob imom-xatiblar va diniy-ma’rifiy soha vakillariga zamonaviy media-makon orqali aholiga Islom dinining asl insonparvarlik va bag‘rikenglik g‘oyalarini targ‘ib qilishda yordamchi manba bo‘lib xizmat qiladi.
Qo‘llanmada ahli sunna val jamoa tushunchasi, fatvo berish mas’uliyati, hanafiy mazhabi va moturidiya aqidasi asoslari, aqidaviy va fiqhiy masalalar, dorul islom va dorul kufr kabi 100 dan ortiq muhim mavzular yoritilgan.
Shuningdek, QR-kod orqali qo‘llanmaning elektron shaklidan foydalanish imkoniyati ham mavjud.
“Shamsuddinxon Boboxonov” nashriyot-matbaa ijodiy uyida chop etilgan mazkur kitob 416 betdan iborat.