Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
Buxoro viloyati bosh imom-xatibi Jobir domla Elov juma tashrifi asnosida Romitan tumanidagi «Afrosiyob» mahallasida joylashgan «Hazrati Umar» masjidiga tashrif buyurdilar.
Tashrif davomida masjid uchun yangi tahoratxona qurilishiga ilk g‘isht qo‘yish marosimi bo‘lib o‘tdi.
2023 yil avgust oyida boshlangan masjid qurilishi loyihasi 5 ming namozxonga mo‘ljallangan bo‘lib, majmuada minora, gumbaz, kutubxona, ma’muriy binolar, avtoturargoh va yashil hududlar barpo etilishi ko‘zda tutilgan.
Marosimda xayrli ishlarga hissa qo‘shayotgan saxovatli insonlar haqqiga duolar qilindi.
Alloh taolo barcha xayrli ishlarga baraka bersin!
O‘zbekiston musulmonlari idorasi matbuot xizmati