Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
O‘zbekiston elchixonasida “Air Arabia” aviakompaniyasining Polshadagi tijorat menejeri Kshishtof Shteyman bilan uchrashuv o‘tkazildi, deb xabar bermoqda “Dunyo” AA.
Muloqot chog‘ida O‘zbekiston va Polsha o‘rtasidagi hamkorlikni yanada rivojlantirish, mamlakatimizning turistik salohiyatini targ‘ib qilish, sayyohlar oqimini oshirish hamda aviakompaniyalar bilan hamkorlikni kengaytirish masalalari muhokama qilindi.
Uchrashuvda “Air Arabia” aviakompaniyasi bilan hamkorlikni kuchaytirish istiqbollari ko‘rib chiqildi. Xususan, aviakompaniya tomonidan yo‘lga qo‘yilgan Varshava, Krakov va Gdansk–Sharja yo‘nalishlari orqali Toshkent va Namangan shaharlariga jurnalistlar va inflyuyenserlar uchun press-turlar tashkil etish masalasi ko‘rib chiqildi.
Suhbat davomida polyak sayyohlari orasida O‘zbekistonning madaniy-tarixiy va islomiy merosiga bo‘lgan qiziqish ortib borayotgani, Polshada istiqomat qiluvchi taxminan 35 ming nafar tatar diasporasi orqali Buxoro, Samarqand va boshqa tarixiy qadamjolarni ziyorat turizmi yo‘nalishida targ‘ib qilish imkoniyatlari haqida fikr almashildi.
Uchrashuv yakunlari bo‘yicha joriy yil noyabr oyida Varshavada o‘tkaziladigan “ITTF Warsaw 2026” xalqaro turizm ko‘rgazmasida “O‘zbekistonga sayohat qilamiz” taqdimotini tashkil etish, “Uzbekistan Airways” reyslarini yo‘lga qo‘yish bo‘yicha axborot almashish, Polsha jurnalistlari va inflyuyenserlari uchun press-turlar tashkil etish hamda “Compass Travel” agentligi bilan ziyorat turizmi sohasida hamkorlik qilishga kelishib olindi.
O‘zbekiston musulmonlari idorasi matbuot xizmati