Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
O‘n yillik iztirob... O‘n yillik kurash... O‘n yillik umid... Firdavs Ergashev tug‘ilganidan buyon 6 ta murakkab operatsiyani o‘tkazdi. O‘n yil davomida qorniga o‘rnatilgan maxsus naycha orqali ovqatlantirildi. Hayoti ko‘p bor xavf ostida qoldi. Farzandi bilan barobar onaizor ham dard chekib yashadi...
Nihoyat Prezidentimiz e’tibori, Bolalar milliy tibbiyot markazining malakali shifokorlari sa’y-harakati bilan Firdavs yana hayotga qaytdi.
Shundan so‘ng bolakayning onasi Sabohat Ergasheva qalbidagi quvonchi, minnatdorlik so‘zlari va shukronalik tuyg‘ularini davlatimiz rahbariga yozgan maktubida birma-bir ifodalashaga qaror qildi.
SSV Matbuot xizmati tomonidan tayyorlangan "Hayotga qaytdim: Prezidentga maktub" maxsus videoloyihasi ayni shu qahramonlarning hayotiy hikoyasiga bag‘ishlandi.
Sog‘liqni saqlash vazirligi Matbuot xizmati