Agar turmush o‘rtoqni tanlashda ixtiyor ayol niyatining sofligi va qalbining pokligi asosida bo‘lganda edi, Osiyo onamiz Fir’avnga turmushga chiqmagan bo‘lar edi.
Agar yaxshi ayol tanlash erkakning donoligi bilan bo‘lganda edi, Nuh va Lut alayhimassalom ikki xoin ayolga uylanmagan bo‘lardi.
Agar farzandning salohiyati yoki fasodi otaning sababidan bo‘lganda edi, Ozardan Allohning xalili Ibrohim alayhissalomdek zot dunyoga kelmagan va ulug‘ payg‘ambarlardan biri bo‘lgan zot (Nuh alayhissalom)ning farzandi kofirlar bilan birga g‘arq qilinmagan bo‘lar edi.
Lekin bularning bari ba’zilar ba’zilar ila sinash va kim yaxshiroq sabr qilishini bilish uchun joriy bo‘lgandir...
Doktor Ahmad Iso Ma’soraviy
Buxoro shahridagi «Abu Bakr as-Siddiq» jome’ masjidida imkoniyati cheklangan fuqarolar uchun navbatdagi ma’naviy-ma’rifiy suhbat bo‘lib o‘tdi.
O‘zbekiston musulmonlari idorasi Buxoro viloyati vakilligi tashabbusi bilan tashkil etilgan tadbirda imom-noib Dilshod domla Hodiyev hamda malakali surdo tarjimon ishtirok etdi.
Gapirish va eshitishida nuqsoni bo‘lgan fuqarolar uchun o‘tkazilgan mazkur suhbat «Sog‘lom turmush tarzi» mavzusiga bag‘ishlandi.
Suhbat davomida ishtirokchilar aqida, fiqh va ijtimoiy hayotga doir savollariga atroflicha javob oldilar. Barcha ma’lumotlar surdo tarjimon orqali yetkazildi. Shuningdek, tadbir yakunida qatnashchilarga ehsonlar tarqatildi.
Alloh taolo bunday xayrli va savobli ishlarimizni bardavom aylasin!
O‘zbekiston musulmonlari idorasi Buxoro viloyati vakilligi Matbuot xizmati