29 avgust kuni O‘zbekiston Respublikasi Davlat mustaqilligining 33 yillik bayrami oldidan Namangan viloyati vakilligida “Yil imomi – 2024” ko‘rik tanlovining viloyat bosqichi bo‘lib o‘tdi. Unda Namangan shahar va tumanlarida birinchilikni olib 2-viloyat bosqichi imom-xatiblar o‘rtasida tafsir, tajvid, fiqh, aqoid va siyrat fanlari bo‘yicha tuzilgan savollar asosida bilim va malakalarini sinovdan o‘tkazildi.
Ishtirokchilarning chiqishlari hakamlar hay’ati tomonidan belgilangan mezonlar asosida baholab borildi. Yakuniy natijalarga ko‘ra, tanlovda birinchilikni egallagan Namangan shahar «Homiddin qori» jome masjidi imom-xatibi Nasriddinov Muhammadbobur “Yil imomi – 2024” ko‘rik tanlovining respublika bosqichiga yo‘l oldi.
Buxoroda yangi Islomiy ilmiy-tadqiqot markazi – Bahouddin Naqshband ilmiy-tadqiqot markazi tashkil etildi!
2025 yil 21 apreldagi Muhtaram Prezidentimizning Farmoniga asosan tashkil etilgan mazkur Markaz Adliya vazirligi tomonidan rasman ro‘yxatdan o‘tkazildi.
Yangi Markaz islom dinining buyuk arbobi, Naqshbandiya tariqatining asoschisi Bahouddin Naqshband hazratlari ziyoratgohi hududida joylashgani bilan alohida ahamiyatga ega.
Bugungi kunda Naqshbandiya tariqati dunyoda eng ko‘p yoyilgan tariqatlardan biri bo‘lib, millionlab mo‘min-musulmonlar tomonidan amal qilinadi. Shu bois, Bahouddin Naqshband ziyoratgohiga har yili minglab ziyoratchilar tashrif buyuradi.
Markaz direktori etib "Chor Bakr" masjidi imom-xatibi, Islomshunoslik fanlari bo‘yicha PhD, dots.nt Azizxo‘ja Xayrulloyevich Inoyatov tayinlandi.
Alloh taolo bu Markazni yangi O‘zbekistonimiz uchun muborak qilsin! Ulug‘ ajdodlarimizning ma’naviy merosini o‘rganish va tarqatishda bu Markazga barakotlar ato etsin!