Sayt test holatida ishlamoqda!
23 Avgust, 2025   |   29 Safar, 1447

Toshkent shahri
Tong
04:15
Quyosh
05:40
Peshin
12:31
Asr
17:12
Shom
19:14
Xufton
20:32
Bismillah
23 Avgust, 2025, 29 Safar, 1447
Yangiliklar

IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI

03.09.2024   7185   2 min.
IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI

Ilm kelajakka tikilgan eng yaxshi sarmoya. Yosh avlodni bilimli qilish millat buyukligiga xizmat qiladi. Shu maqsadda yoshlarning ilm olishi va jamiyat uchun foydali inson bo‘lishiga mamlakatimizda juda katta e’tibor qaratilmoqda. 

Mana shunday ezgu niyatlar yo‘lida yangi o‘quv yili boshlanishi oldidan respublikamizda faoliyat yuritayotgan imom-xatiblar saxovatpesha insonlarni jalb qilgan holda ehtiyojmand oilalarning 10 ming nafar farzandiga qariyb 3 milliard so‘mlik maktab formasi, o‘quv qurollari va sumkalar hadya qildilar.

Ta’kidlash joizki, bunday xayrli tadbirlar ko‘plab ehtiyojmand oilalar mushkulini oson qilib, farzandlarini ko‘nglini shod etishi barobarida ilm olishlari uchun juda katta ko‘mak bo‘ldi.

Darhaqiqat, Alloh taolo so‘nggi payg‘ambari Muhammad alayhissalomga birinchi nozil qilgan vahiysi, Qur’oni karimning eng avvalgi oyatlarida butun insoniyatni o‘qish, ilm olish va yozishga buyurib: “O‘qing (ey, Muhammad! Butun borliqni) yaratgan zot bo‘lmish Rabbingiz ismi bilan! (U) insonni laxta qondan yaratdi. O‘qing! Rabbingiz esa karamlidir. U insonga qalam bilan (yozishni ham) o‘rgatdi. U insonga bilmagan narsalarini bildirdi”, degan (Alaq, 1-5). 

Shuningdek, barchamizga ma’lum bo‘lgan hadisi sharifda Rasululloh sollallohu alayhi va sallam: “Ilm talab qilish har bir musulmonga farzdir”, deganlar (Imom Ahmad rivoyati).

Demak, ilm olmoqchi bo‘lgan o‘quvchi yoshlarning ta’lim olishiga kitob va daftarlar olib berish, zaruriy o‘quv qurollari bilan ta’minlash ham ulkan savobli amallardandir. Ayniqsa, kimki moddiy yordamga muhtoj o‘quvchiga homiylik qilsa, unga ham talabaning savobidek, ajr-mukofot beriladi, deya umid qilinadi. Payg‘ambarimiz sollallohu alayhi vasallam: “Yaxshilikka dalolat qiluvchi-undovchi o‘sha yaxshilikni qiluvchi kabi ajr olur”, deganlar (Imom Termiziy rivoyati).

Azizlar, qo‘li ochiq kishilar ilm oluvchi yoshlardan xabar olib, ularni moddiy jihatdan ta’minlab tursalar, ajr ustiga ajr bo‘ladi. Ma’lumki, ilm rivoji uchun sarflangan mablag‘lar kuni kelib, yurt taraqqiyoti va xalq farovonligiga xizmat qilishi barobarida ikki dunyo saodatiga omil bo‘ladi.

O‘zbekiston musulmonlari idorasi
Matbuot xizmati

IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI IMOMLAR TOMONIDAN 3 MLRD. SO‘MLIK O‘QUV QUROLLARI HADYA ETILDI
O'zbekiston yangiliklari
Boshqa maqolalar
Yangiliklar

Buxoroning nurli ustozi – 75 yoshda

19.08.2025   5003   1 min.
Buxoroning nurli ustozi – 75 yoshda

Bugun Buxoroi sharifda ilm va ma’rifat yo‘lida umrini sarflagan ulug‘ ustoz – Mir Arab oliy madrasasi va Mir Arab o‘rta maxsus islom ta’lim muassasasi mudarrisi, Bahouddin Naqshband jome masjidi imom-xatibi, muhtaram Abdug‘afur Razzoq Buxoriy hazratlari muborak 75 yoshni qarshi olmoqdalar.
 

Ustoz hazratlari umrlarining 50 yildan ortiq qismini islom dini ravnaqiga, yoshlarni tarbiyasiga va ajdodlar merosini asrab-avvaylashga bag‘ishladilar. Buxoro shahar “Xo‘ja Zayniddin” masjidida imom sifatida, shuningdek, Buxoro viloyati qozisi sifatida xalqqa xizmat qildilar. U zotning zahmatli mehnatlari, ilmga bo‘lgan sadoqatlari va tolibi ilmlarga mehribonliklari minglab shogirdlar qalbida ilhom uyg‘otdi.


Abdug‘afur Razzoq Buxoriy hazratlari nainki faqat imom-xatib va mudarris, balki haqiqiy ma’naviyat ustuni, ilm va tarbiya maydonida namuna bo‘lib kelmoqdalar. U zot xattotlik, tabobat, ilm va ma’rifat sohalarida ham o‘zining yuksak bilimi va mahoratlari bilan tanilganlar.


Haqiqatan ham, ustoz  hazratlari tolibi ilmlarning peshvosi, yoshlarning haqiqiy murabbiysi, zamondosh ulamolar orasida e’tiborli va ardoqli alloma sifatida tanilganlar. U zotning har bir so‘zlari, har bir nasihatlari qalblarga nur, ilmga chanqoq yoshlar uchun esa yo‘l-yo‘riqdir.


Bugun, shu tabarruk kunlarda, ustozga uzoq-umr, sihhat-salomatlik tilaymiz. Xalqimiz, Vatanimiz va dinimiz yo‘lida yana ko‘p yillar davomida samarali xizmat qilishlarini Allohdan so‘rab qolamiz.


Ustoz, ilm yo‘lida zahmat bilan o‘tgan muborak yoshlaringiz muborak bo‘lsin!

Mir Arab oliy madrasasi
Matbuot xizmati



 

O'zbekiston yangiliklari