“Eshon sufi bobo” masjidining yangi binosiga tamal toshi qo‘yildi
O‘zbekiston musulmonlari idorasining Namangan viloyatidagi vakili, viloyat bosh imom-xatibi Musoxon domla Abbosiddinov Chust tumanida joylashgan “Eshon sufi bobo” jome masjidining yangi binosi poydevoriga tamal toshi qo‘yish marosimida qatnashdilar. Tadbirda mahalla ahli, nuroniylar, ulamolar ishtirok etdilar.
Musoxon domla qurilayotgan binoni mo‘min-musulmonlar uchun qulay va shinam qilish, xonaqohlarni keng va yorug‘ bo‘lishi yuzasidan ko‘rsatmalar berdi.
Ravza.uz
Har bir murojaat ortida inson taqdiri bor (fotolavha)
O‘zbekiston musulmonlari idorasi tomonidan yo‘lga qo‘yilgan ochiq va samimiy muloqot tizimi fuqarolar murojaatlarini atroflicha o‘rganish hamda ularga tezkor yechim topishda muhim omil bo‘lmoqda.
Bugun, 26 avgust kuni O‘zbekiston musulmonlari idorasi raisi o‘rinbosari Zayniddin domla Eshonqulov navbatdagi fuqarolar qabulini o‘tkazib, yurtdoshlarimizning taklif va murojaatlarini tingladi.
Yuzma-yuz muloqot jarayonida masjidlar holati va faoliyati, imom-xatiblar ishi, haj va umra ziyoratlarini tashkil etish, oilaviy munosabatlarni tartibga solish hamda moddiy yordam ko‘rsatishga oid qator masalalar ko‘rib chiqildi.
Murojaatlarning aksariyati joyida ijobiy hal etilgan bo‘lsa, qo‘shimcha o‘rganish talab qiladigan masalalar yuzasidan tegishli mutasaddilarga aniq ko‘rsatmalar berildi.
Eslatib o‘tamiz, bu kabi ochiq muloqot tadbirlari Diniy idoraning hududiy vakilliklari hamda yurtimizdagi barcha jome masjidlarda har haftaning chorshanba kuni muntazam o‘tkazib kelinmoqda.
O‘zbekiston musulmonlari idorasi
Matbuot xizmati
