Eng ulug‘ g‘oyamiz: Jaholatga qarshi – ma’rifat!
Shu yilning 24 sentyabr kuni O‘zbekiston musulmonlari idorasi raisining o‘rinbosari Zayniddin domla Eshonqulov O‘zbekiston xalqaro islom akademiyasida “Jaholatga qarshi – ma’rifat” mavzusidagi ma’naviy-ma’rifiy tadbirda qatnashdi.
Unda Shayxontohur tumanidagi “Shayxontohur”, “O‘rda”, “Jangoh” mahallalaridan 300 nafar aholi vakillari va yoshlar ishtirok etdi.
Uchrashuvda Zayniddin domla hozirgi kunda yoshlar tarbiyasi, farzandlarni ona Vatanga sadoqat ruhida tarbiyalash va yoshlarning ilm olishi muhimligini ta’kidlash barobarida o‘zgalarga ko‘r-ko‘rona taqlidning salbiy jihatlariga to‘xtalib o‘tildi.
Mazmunli ma’ruza davomida farzandlarni yot g‘oyalar ta’siridan saqlash, ularni qadriyatlarimizga mos ravishda sog‘lom e’tiqodli qilib tarbiyalashda har bir ota-onaning o‘rni muhimligi borasida fikr-mulohazalar bildirildi.
Tadbir so‘ngida aholi tomonidan ijtimoiy, aqidaviy va mazhabsizlikning salbiy oqibatlariga doir berilgan savollarga javoblar berildi.
O‘zbekiston musulmonlari idorasi
Matbuot xizmati
Buxoroda Qur’on musobaqasi o‘tkazildi
O‘zbekiston Respublikasi Davlat mustaqilligining 35 yilligi munosabati bilan Buxoro viloyatida faoliyat olib borayotgan imom-xatib va imom-noiblar o‘rtasida “Qur’on tinchlikka buyuradi” shiori ostida Qur’on musobaqasi o‘tkazildi.
Ochilish marosimida Buxoro viloyati bosh imom-xatibi Jobir domla Elov so‘zga chiqib, mazkur ma’rifiy tadbirning ahamiyati haqida so‘zlab, ishtirokchilarga muvaffaqiyat tiladi.
Musobaqani o‘tkazishdan ko‘zlangan maqsad diniy soha xodimlarining Qur’oni karim bo‘yicha bilim va mahoratini yanada oshirish, ular o‘rtasida o‘zaro hamjihatlik muhitini shakllantirishdir.
Bellashuvda viloyatning tuman va shaharlarida faoliyat yuritayotgan 10 nafar imom-xatib va imom-noib ishtirok etib, Qur’oni karimni o‘qish va yoddan bilish borasidagi bilim va mahoratini namoyish etishdi.
Birinchi o‘ringa Peshku tumani “Chiqirchi” jome masjidi imom-noibi Afzal Shavkatov sazovor bo‘ldi. Ikkinchi o‘rin Buxoro shahridagi “Volidi Abdulazizxon” jome masjidi imom-noibi Abduvohid Akramovga, uchinchi o‘rin Jondor tumani “Raboto‘g‘lon” jome masjidi imom-xatibi Shuhrat Sherovga nasib etdi.
G‘oliblarga diplom va qimmatbaho sovg‘alar topshirildi.
O‘zbekiston musulmonlari idorasi
Matbuot xizmati
