Abdulloh roziyallohu anhudan rivoyat qilinadi. Rasululloh sollallohu alayhi vasallam: “Qiyomat kuni menga eng yaqin kishilar, albatta, menga ko‘p salavot aytganlardir”, dedilar (Imom Termiziy rivoyati).
Sahobalar roziyallohu anhum Rasululloh sollallohu alayhi vasallamdan “Yo Rasululloh sizga salavot aytish qanday bo‘ladi?” deb so‘raganlarida u zot sollallohu alayhi vasallam: “Allohumma solli a’la Muhammadin va a’la oli Muhammad, kama sollayta a’la Ibrohiyma va a’la oli Ibrohiym. Innaka hamiydummajiyd. Allohumma barik a’la Muhammadin va a’la oli Muhammad, kama barokta a’la Ibrohiyma va a’la oli Ibrohiym. Innaka hamiydum majiyd”, deb aytinglar, deganlar (Imom Buxoriy rivoyati).
Allohumma solli va sallim ’ala Muhammadin va ’ala aali Muhammad.
Davron NURMUHAMMAD
Savol: Onam tavofning birinchi aylanasidan keyin kasal bo‘lib qoldi va men qolgan tavof va sa’ylarini aravaga o‘tirgizib qildirdim. Biz jarima to‘laymizmi?
Javob: Bismillahir Rohmanir Rohiym. Yurishga qodir bo‘lgan kishi uchun tavof va sa’yni yurib bajarish vojib sanaladi. Shuning uchun yurishga qodir bo‘la turib, uzrsiz aravada yoki elektromobilda tavof yoki sa’y qilsa, qayta bajarish yoki haram hududida jonliq so‘yishi lozim bo‘ladi. Yurib tavof qilishga sog‘ligi to‘g‘ri kelmagan shaxslar esa uzrli sanaladi. Bunday uzrli insonlar mazkur ikki amalni arava yoki boshqa jihozlarda bajarishlari mumkin. Vallohu a’lam.
O‘zbekiston musulmonlari idorasi
Fatvo markazi.