Sayt test holatida ishlamoqda!
16 Noyabr, 2026   |   6 Jumadul soni, 1448

Toshkent shahri
Tong
05:50
Quyosh
07:12
Peshin
12:13
Asr
15:22
Shom
17:06
Xufton
18:23
Bismillah
16 Noyabr, 2026, 6 Jumadul soni, 1448

Prof. Dr. Nazir Muhammad Ayyod

08.10.2024   14505   2 min.
Prof. Dr. Nazir Muhammad Ayyod

Avval, shu yil 15-16 oktyabr kunlari Toshkent va Xiva shaharlarida “Islom – tinchlik va ezgulik dini” nomli xalqaro konferensiya bo‘lib o‘tishi haqida xabar bergan edik. Ijtimoiy tarmoqlar orqali mazkur anjumanga tashrif buyuradigan mo‘tabar ulamolar haqida ma’lumot berib boramiz.

Nazir Muhammad Ayyod 1972 yili Qohira shahrida tug‘ilgan.

1995 yil “Usul ad-din” bo‘yicha “Aqida va falsafa” yo‘nalishida bakalavr darajasini olgan.

2000 yilda “Usul ad-din” yo‘nalishi bo‘yicha “Aqida va falsafa” bo‘yicha magistr darajasini, so‘ngra 2003 yili birinchi darajali imtiyoz bilan doktorlik darajasini oldi.

Dastlab Kafr ash-Shayx shahridagi Islom va arabshunoslik kollejida o‘qituvchi bo‘lib ishladi. Mansura universitetining Usul ad-din fakultetida dots.nt lavozimida faoliyat yuritdi.

2016 yilda professor unvoniga ega bo‘ldi.

Keyinchalik “Al-Azhar” Islom tadqiqotlari akademiyasi bosh kotibi, aqida va falsafa professori, Kafr ash-Shayxdagi Islom va arabshunoslik kolleji dekan o‘rinbosari lavozimlarida ishladi.

Shuningdek, u boshqa ko‘plab vazifalarda faoliyat yuritgan. Al-Azhar bitiruvchilari xalqaro tashkiloti a’zosi, Al-Azhar al-Sharif ilmiy tadqiqot xodimlari kasaba uyushmasi qo‘mitasi a’zosi, Misr Oila uyi a’zosi va Vazirlikning Atrof-muhitni muhofaza qilish va giyohvandlikka qarshi kurash guruhi a’zosi sanaladi.

Doktor Ayyodning ilmiy jurnallarda ko‘plab maqolalari, ilohiyot, falsafa, mantiq, dinlar, mazhablar, tasavvuf va boshqa sohalarga oid o‘ttizdan ortiq kitoblari chop etilgan.

Dr. Professor Nazir Muhammad Ayyod ko‘plab ilmiy konferensiyalar va seminarlarda qatnashgan, Liviya va Saudiya Arabistonidagi xorijiy universitetlarda dars bergan.

Professor Nazir Muhammad “Al-Azhar” universiteti, “Oltinchi oktyabr” universiteti, Liviyadagi “Al-Asmariya” universiteti, Saudiya Arabistonidagi “Toif” universiteti va Misrning Jiddadagi konsulligi tomonidan ko‘plab mukofot va guvohnomalar bilan taqdirlangan.

Dr. Professor Nazir Muhammad Ayyod 2024 yil 11 avgustdan Misr Arab Respublikasi Bosh muftiysi sifatida faoliyat olib bormoqda.

O‘zbekiston musulmonlari idorasi
Matbuot xizmati

Boshqa maqolalar
Yangiliklar

«Uchinchi Renessans chorrahasi»: Imom-xatiblar uchun ilm, tarix va ma’rifat muloqoti tashkil etildi

16.11.2026   2805   3 min.
«Uchinchi Renessans chorrahasi»: Imom-xatiblar uchun ilm, tarix va ma’rifat muloqoti tashkil etildi

O‘zbekistondagi Islom sivilizatsiyasi markazida Toshkent shahri va Navoiy viloyatidan tashrif buyurgan imom-xatiblar ishtirokida “Uchinchi Renessans chorrahasi” mavzusi doirasida ma’rifiy tadbir tashkil etildi, xabar bermoqda iccu.uz.

Tashrif avvalida ishtirokchilar uchun mahorat darsi o‘tkazildi. Unda diniy-ma’rifiy faoliyatda zamonaviy yondashuvlar, milliy va diniy qadriyatlarni targ‘ib etish, tarixiy merosni yosh avlodga yetkazish masalalariga e’tibor qaratildi. Shuningdek, mehmonlarga “Men” nomli hujjatli film namoyish etildi.

Shundan so‘ng imom-xatiblar Prezident Shavkat Mirziyoyev tashabbusi bilan barpo etilgan Markazning muzey ekspozitsiyalari bilan tanishdi. Ular yurtimiz hududida shakllangan qadimgi sivilizatsiyalar, islom ilm-fani taraqqiyoti, buyuk allomalar hayoti va ilmiy merosiga oid tarixiy manbalar, noyob eksponatlar hamda zamonaviy multimedia yechimlari bilan yaqindan tanishish imkoniga ega bo‘ldi. Ayniqsa, Qur’oni karim zalida saqlanayotgan Usmon mus'hafi va turli davrlarga oid nodir Qur’on nusxalari ishtirokchilarda katta taassurot qoldirdi.

Tashrifning muhim yo‘nalishlaridan biri Markazning ilmiy-tadqiqot va ma’rifiy faoliyati bilan tanishish bo‘ldi. Jumladan, mehmonlarga kutubxona faoliyati, uning fondidan o‘rin olgan ilmiy adabiyotlar, qo‘lyozmalar, elektron axborot resurslari hamda tadqiqotchilar uchun yaratilgan imkoniyatlar haqida batafsil ma’lumot berildi.

Shuningdek, Markazning ikkinchi qavatida joylashgan xalqaro ilmiy-ma’rifiy platforma faoliyatiga alohida e’tibor qaratildi. Ishtirokchilarga ushbu platformaning asosiy vazifasi — islom sivilizatsiyasi merosini xalqaro miqyosda o‘rganish va targ‘ib etish, jahonning nufuzli ilmiy muassasalari, tadqiqot markazlari, xalqaro tashkilotlar hamda olimlar o‘rtasida samarali hamkorlikni yo‘lga qo‘yish ekani tushuntirildi.

Mazkur platforma xalqaro ilmiy muloqotlar, konferensiyalar, davra suhbatlari va taqdimotlarni tashkil etish, qo‘shma tadqiqotlarni amalga oshirish, ilmiy tajriba almashish uchun zamonaviy maydon vazifasini bajaradi. U orqali Markazda jamlangan tarixiy manbalar va ilmiy izlanishlar natijalarini xalqaro ilmiy hamjamiyatga yetkazish, shuningdek, O‘zbekistonning boy ilmiy-ma’naviy merosini jahonda keng tanitish imkoniyatlari yaratilgan.

Shodlik Boynazarov, Xorazm viloyati Xiva tumanidagi Xon Ismoil Jo‘rjoniy masjidi imom-xatibi:

Bu yerda faqatgina muzey bilan cheklanib qolinmagan. Ilmiy yo‘nalishlar, diniy qadriyatlarimiz, islom dinining shakllanishidan bugungi kungacha bo‘lgan tarixi, buyuk ulamolarimiz hayoti va ularning asarlari bilan tanishish imkoniyati yaratilgan. Bunday markazning barpo etilishi yurtimiz kelajagi, ayniqsa, yosh avlod uchun katta ilmiy va ma’naviy meros hisoblanadi.

Jizzax viloyati Sharof Rashidov tumanidagi Qangli jome masjidi noib imomi esa Markazda yaratilgan zamonaviy imkoniyatlar, xususan, ekspozitsiyalar va ko‘p tilli axborot tizimining ahamiyatiga to‘xtaldi.

Uning ta’kidlashicha, Markaz orqali milliy qadriyatlar, diniy meros va buyuk allomalar hayoti haqida turli tillarda ma’lumot olish, ularni chuqur o‘rganish mumkin. Ayniqsa, Qur’oni karim zalidagi “Alaqa” surasi ilk oyatlaridan boshlanib, “Fotiha” surasi tilovati bilan davom etadigan taqdimot unda katta taassurot qoldirgan.

Normamat Ramazon, Navoiy viloyati Xatirchi tumanidagi “Abu Hanifa” jome masjidi imom-xatibi:

Ulamolarimizning hayoti va ilmiy merosi, qo‘lyozma kitoblar, shuningdek, Qur’oni karim zalidagi Usmon mus'hafi bilan tanishib, juda katta taassurot oldik. Bu yerda har bir tafsilotga alohida e’tibor qaratilgan. Yurtimizda bunday ilmiy-ma’rifiy markazlar tashkil etilayotgani biz, diniy soha vakillari uchun ham katta imkoniyat.

Ta’kidlash joizki, “Uchinchi Renessans chorrahasi” mavzusi doirasidagi bunday uchrashuv va ma’rifiy tashriflar diniy soha vakillarining tarixiy meros, islom ilm-fani va zamonaviy ilmiy tadqiqotlar haqidagi bilimlarini boyitish, shuningdek, milliy va diniy qadriyatlarni keng targ‘ib etishga xizmat qiladi.

O‘zbekiston musulmonlari idorasi Matbuot xizmati

O'zbekiston yangiliklari