“IMOM TЕRMIZIY ILMIY MЕROSINING ISLOM SIVILIZATSIYASIDA TUTGAN O‘RNI” XALQARO ANJUMANGA PUXTA TAYYORGARLIK KO‘RILMOQDA
Joriy yil 17-18 oktyabr kunlari Termiz shahrida “Imom Termiziy ilmiy merosining islom sivilizatsiyasida tutgan o‘rni” mavzusida nufuzli xalqaro ilmiy anjuman o‘tkaziladi.
Anjuman ishida Turkiya, Qatar, Misr, Birlashgan Arab Amirliklari, Hindiston, Qirg‘iziston kabi dunyoning 10 ga yaqin mamlakatlaridan 50 dan ortiq nufuzli xalqaro tashkilot rahbarlari, din arboblari, muftiylar va taniqli ulamolar ishtirok etadi.
Muhim masalalarning asl mohiyatini ochib berishga qaratilgan anjuman 17 oktyabr kuni Imom Termiziy xalqaro ilmiy-tadqiqot markazining anjumanlar zalida o‘z ishini boshlaydi.
Anjuman 4 ta sho‘baga bo‘lingan holda o‘tkaziladi.
Anjumanning ikkinchi kun ishtirokchilar Imom Termiziy va Hakim Termiziy ziyoratgohlariga hamda Surxondaryo viloyatining diqqatga sazovor qadamjolariga tashrifi ko‘zda tutilgan.
Buxorolik hojilarning dastlabki guruhi kutib olindi
Haj amallarini ado etgan buxoroliklarning dastlabki guruhi Ona Vatanimizga eson-omon yetib keldi. Hojilarni O‘zbekiston Musulmonlari Idorasi Buxoro viloyati vakillari, viloyat Din ishlari bo‘yicha qo‘mita hamda mutasaddi tashkilotlar vakillari kutib oldi.
Hojilar o‘zlari uchun ajratilgan maxsus avtobuslarda “Fayzobod” masjidi tomon yo‘l oldi va katta xursandchilik bilan kutib olindi.
Zarif Komilov,
O‘zA muxbiri.
