Xalqaro maydondagi tinchlik va ezgulik targʻibotchisi
Yangi Oʻzbekiston maʼrifat mayogʻini baland tutib, dunyo xalqlarini ezgulik, tinchlik va birodarlikka chorlamoqda! Albatta, bu bejiz emas. Buyuk oʻzbek yoʻli doim maʼrifat, umuminsoniy manfaatlar ustiga qurilgan.
Tarixdan yaxshi maʼlum, ilgari ham eʼtiqod, qarashlar oʻrtasida turli ziddiyatlar koʻp uchragan. Oʻsha davrlarda ham ulugʻ alloma ajdodlarimiz oʻz ilmiy salohiyati, bilim va tafakkuri, maʼrifatparvarligi bilan ularga munosib javob bergan.
Zamonamizda turfa ziddiyatlar yana avj ola boshladi. nazarimizda dunyo ilgari hech qachon ezgulik va maʼrifatga hozirgidek tashna boʻlmagan. Negaki avval ziddiyatlar, urushlar muayyan hudud, mintaqadagina sodir boʻlgan. hozirgi global dunyoda esa nafaqat qurolli toʻqnashuvlar, balki mafkuraviy kurashlar ham chegara bilmayapti. bunday vaziyatda barcha oʻz manfaatidan kelib chiqib ish koʻrishi bor gap. ana shunday tahlikali davrda umuminsoniy manfaatlarni himoya qilib, tinchlik, doʻstona aloqalarga asoslangan siyosat yuritishga hamma davlatlar ham qodir emas. chunki bunday vaziyatda egoistik qarash normal holatga aylanadi.
Jonibek Alijonov,
“Yangi Oʻzbekiston” muxbiri
Manba: “Yangi Oʻzbekiston” gazetasi 2024-yil 17-oktabr, 210-son
O‘zbekiston musulmonlari idorasida navbatdagi “Fuqarolar qabuli” bo‘lib o‘tdi
Har haftaning chorshanba kuni O‘zbekiston musulmonlari idorasida an’anaviy tarzda tashkil etiladigan fuqarolar qabuli bu safar ham aholi vakillarining murojaatlarini o‘rganish, muammolarga yechim topishga qaratildi.
Joriy haftadagi qabulda O‘zbekiston musulmonlari idorasi raisi o‘rinbosari Muhammadolim domla Muhammadsiddiqov poytaxtimizdan hamda yurtimizning turli shahar va tumanlaridan tashrif buyurgan fuqarolarning shaxsiy va jamoaviy masalalari, taklif va mulohazalarini tingladi.
- - Aholi vakillari tomonidan turli masalalar bo‘yicha shar’iy hukmlar, ularning amaliy tatbiqlari yuzasidan savollar berildi;
- - Nikoh, oilaviy munosabatlar, farzand tarbiyasi kabi mavzulardagi murojaatlar ko‘rib chiqildi;
- - Ayrim ehtiyojmand fuqarolar tomonidan tushgan moddiy ko‘mak so‘rovlari tegishli tartibda ko‘rib chiqilishi belgilandi;
- - Sohani yanada rivojlantirish, masjidlarni obod qilish, yoshlar o‘rtasida ilmiy-ma’rifiy targ‘ibotlarni kuchaytirish kabi bir qator konstruktiv takliflar bildirildi.
Qabul yakunida mas’ullarga aniq topshiriqlar berilib, fuqarolar murojaatlarini tezkor va adolatli hal etish bo‘yicha choralar belgilandi. Shu bilan birga, fuqarolar bilan bevosita muloqot qilish, ularning fikrlarini eshitish va islohotlarga jamoatchilikni faol jalb etish borasidagi ishlar doimiy e’tiborda ekani ta’kidlandi.
O‘zbekiston musulmonlari idorasi
Matbuot xizmati