Vohamizga kelgan mehmonlar kunning ikkinchi yarmida dastlab Hakim Termiziy majmuasiga tashrif buyurib, uning maqbarasini ziyorat qilishdi. Qur’on tilovat etilib, duo o‘qildi.
Hakim Termiziy ziyoratgohida olib borilayotgan ulkan obodonchilik ishlari u zotning merosini o‘rganish bilan hamohang suratda ketayotgani, oxirgi yillarda O‘zbekistonda Hakim Termiziy merosini o‘rganish juda jadallashgani e’tirof etildi. Ayniqsa, Imom Termiziy xalqaro ilmiy-tadqiqot markazining ochilishi bu borada muhim ahamiyatga ega bo‘lgani ta’kidlab o‘tildi. Zero, Markazda alloma qalamiga mansub 10 dan ortiq asar arab tilidan o‘zbek tiliga o‘girildi va arab tilidagi xalqaro nashrlarni amalga oshirish ham yo‘lga qo‘yildi.