YOSHLARDA YOT G‘OYALARGA QARSHI MILLIY VA DINIY QADRIYATLARNI SHAKLLANTIRISH MASALALARI
Hozirgi davrda yoshlarni yot g‘oyalardan asrash, ularni salbiy ta’sirlardan himoya qilish dolzarb masalaga aylandi. Bunga yoshlarning diniy-axloqiy tarbiyasi, vatanparvarligini kuchaytirish, milliy va diniy qadriyatlarimizga hurmatni shakllantirish orqali erishish mumkin.
Ayniqsa, adashgan oqimlarga qarshi kurashishda yoshlarda milliy va diniy qadriyatlarni shakllantirish o‘ta muhim va kerakli jarayondir. Ushbu qadriyatlar yoshlar va jamiyat uchun asosiy qoidalarni belgilab berish barobarida ularni yot g‘oyalarga qarshi muhofaza qiladi. Quyidagi omillar ushbu jarayonda muhim ahamiyatga ega.
Xulosa qilib aytganda, yoshlarda ushbu omillarni shakllantirish orqali yot g‘oyalarga qarshi samarali kurashishda muvaffaqiyatli natijalarga erishish mumkin.
Manbalar asosida tayyorlandi
O‘tkirbek SOBIROV
O‘zbekiston musulmonlari idorasi
Bosh mutaxassisi
O‘zbekiston Respublikasi Prezidenti Shavkat Mirziyoyev «The Muslim 500 – The World’s 500 Most Influential Muslims» xalqaro nashrining 2027-yilgi reytingida dunyoning eng nufuzli 50 nafar musulmoni qatoridan joy oldi.
Iordaniya Hoshimiylar Podshohligi poytaxti Amman shahrida joylashgan Qirollik islom strategik tadqiqotlar markazi (RISSC) tomonidan har yili e’lon qilinadigan mazkur nufuzli reytingda davlatimiz rahbarining faoliyati davlat boshqaruvi va siyosat yo‘nalishida ham alohida e’tirof etildi.
2009 yildan buyon nashr etib kelinayotgan ushbu reyting musulmon dunyosida siyosiy, iqtisodiy, diniy, ilmiy, madaniy va ijtimoiy sohalarda sezilarli ta’sirga ega bo‘lgan shaxslarni qamrab oladi.
Nashrning 2027 yilgi sonida Prezident Shavkat Mirziyoyev rahbarligida O‘zbekistonda amalga oshirilayotgan keng ko‘lamli islohotlar, xalqaro hamkorlik va mintaqaviy diplomatiyani rivojlantirish, ta’lim va madaniyat sohalarini qo‘llab-quvvatlash, shuningdek, boy islomiy merosni asrab-avaylash va jahon miqyosida targ‘ib etish borasidagi sa’y-harakatlar alohida qayd etilgan.
Shuningdek, mamlakatimizda iqtisodiyotni liberallashtirish, investitsiyaviy muhitni yaxshilash, Markaziy Osiyo davlatlari bilan yaxshi qo‘shnichilik munosabatlarini mustahkamlash hamda O‘zbekistonning xalqaro maydondagi nufuzini oshirishga qaratilgan tashabbuslarga yuqori baho berilgan.
Mazkur e’tirof Yangi O‘zbekistonda amalga oshirilayotgan izchil islohotlar, xususan, diniy-ma’rifiy sohani rivojlantirish, milliy va diniy qadriyatlarni asrab-avaylash hamda bag‘rikenglik muhitini mustahkamlash borasidagi ishlar xalqaro miqyosda e’tirof etilayotganining yana bir ifodasidir.
O‘zbekiston musulmonlari idorasi Matbuot xizmati