2024 yil 16 oktyabr kuni Toshkent shahar “Shayx Zayniddin” masjidida O‘zbekiston karlar jamiyati tashkil etilganining 95 yilligi munosabati bilan tadbir bo‘lib o‘tdi. 

Unda O‘zbekiston karlar jamiyati rahbari Go‘zal Shodiyeva, Birlashgan Arab Amirliklari karlar assotsiatsiyasi prezidenti Roshid Ali Rashid Eysa Almansori, Quvayt karlar assotsiatsiyasi prezidenti Abdulloh Fayyod, O‘mon karlar assotsiatsiyasi vitse-prezidenti Majid Muhammad Mabruuk al-Marmari, shuningdek, eshitish va nutqida imkoniyati cheklangan 100 nafar yurtdoshlarimiz, Qirg‘iziston respublikasidan 15 nafar imkoniyati cheklangan mehmonlar qatnashdi.

Tadbirda yurtimizda imkoniyati cheklangan shaxslarga bo‘lgan e’tibor, xususan, berilayotgan imtiyozlar, ta’lim-tarbiya olishi uchun qilingan sharoitlar haqida ma’lumot berildi.

Xorijiy mehmonlar O‘zbekistonda eshitish va nutqida imkoniyati cheklanganlarga ko‘rsatilayotgan e’tibor yuqori darajada ekanini e’tirof etdilar. 

  

O‘zbekiston musulmonlari idorasi 
Matbuot xizmati