Sayt test holatida ishlamoqda!
05 Avgust, 2026   |   22 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:50
Quyosh
05:18
Peshin
12:34
Asr
17:29
Shom
19:40
Xufton
21:10
Bismillah
05 Avgust, 2026, 22 Safar, 1448
Avvalgi sayt
#search
 YouTube

Xalqaro diniy sammitda O‘zbekistondagi islohotlar e’tirof etildi

24.10.2024   29363   1 min.
Xalqaro diniy sammitda O‘zbekistondagi islohotlar e’tirof etildi

Shu  yilning 14-17 oktyabr kunlarida Sankt-Peterburg va Rossiyaning Shimoli-G‘arbiy mintaqasi musulmonlari Diniy idorasi, Rossiyaning Osiyo qismi musulmonlarining Diniy idorasi, Sankt-Peterburg davlat universiteti, Islom madaniyati, ilm-fan va ta’limni qo‘llab-quvvatlash jamg‘armasi tomonidan “Hozirgi zamonda ma’naviy va axloqiy qadriyatlar” mavzusida I Xalqaro diniy sammit tashkil etildi. Unda O‘zbekiston musulmonlari idorasi vakili Ibrohimjon domla Inomov ishtirok etdi.

Konferensiyada 55 dan ziyod davlatdan vazirlar va vazir o‘rinbosarlari, muftiylar, diniy soha xodimlari, akademiya va universitet rektorlari, mutaxassislar, ilmiy tadqiqotchilar, yetakchi dinshunos olimlar, ilmiy, siyosiy va jamoat arboblari, milliy diasporalar vakillari, talabalar hamjamiyati hamda diplomatik korpus vakillari qatnashdi. 

Nufuzli simpoziumda so‘zga chiqqan O‘zbekiston musulmonlari idorasi vakili Ibrohimjon domla Inomov tomonidan I Xalqaro diniy sammit ishtirokchilariga O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining salom va duoyu xayrlarini yetkazib, yurtimizda diniy-ma’rifiy sohadagi o‘zgarishlar haqida ma’lumot berdi. 

Sammit doirasida O‘zbekistondagi bu xayrli ishlarga yuksak baho berildi. Shuningdek, bir qator yuqori martabali mehmonlar Imom Buxoriy, Imom Termiziy, Imom Bahouddin Naqshband, Imom Moturidiylar yurtiga borish istaklarini samimiy izhor etishdi. 

Anjuman davomida mavzu doirasida ma’ruzalar qilinib, fikr-mulohazalar bildirildi.

O‘zbekiston musulmonlari idorasi
Matbuot xizmati

Xalqaro diniy sammitda O‘zbekistondagi islohotlar e’tirof etildi Xalqaro diniy sammitda O‘zbekistondagi islohotlar e’tirof etildi Xalqaro diniy sammitda O‘zbekistondagi islohotlar e’tirof etildi Xalqaro diniy sammitda O‘zbekistondagi islohotlar e’tirof etildi Xalqaro diniy sammitda O‘zbekistondagi islohotlar e’tirof etildi Xalqaro diniy sammitda O‘zbekistondagi islohotlar e’tirof etildi Xalqaro diniy sammitda O‘zbekistondagi islohotlar e’tirof etildi Xalqaro diniy sammitda O‘zbekistondagi islohotlar e’tirof etildi Xalqaro diniy sammitda O‘zbekistondagi islohotlar e’tirof etildi
Boshqa maqolalar
Yangiliklar

Diniy ta’lim muassasalariga kirish imtihoni Toshkent shahrida davom etmoqda

03.08.2026   6001   1 min.
Diniy ta’lim muassasalariga kirish imtihoni Toshkent shahrida davom etmoqda

O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026–2027 o‘quv yili uchun kirish test sinovlarining 2-hudud (Toshkent shahri) bosqichiga start berildi. Imtihonlar 2–3 avgust kunlari Chilonzor tumanidagi “Shayx Muhammad Sodiq Muhammad Yusuf” jome masjidi Majlislar zalida o‘tkaziladi.
 

Jarayon shaffof va adolatli o‘tishi uchun Din ishlari bo‘yicha qo‘mita, Musulmonlar idorasi rahbarlari va mustaqil kuzatuvchilar jarayonni bevosita nazorat qilmoqda.


Abituriyentlarga qulayliklar va muhim eslatmalar:

  • Qulaylik: Abituriyentlar o‘zlari hujjat topshirgan hamda o‘zlariga yaqin bo‘lgan diniy ta’lim muassasasida imtihon topshirishlari mumkin.

  • Magistratura: Imom Buxoriy nomidagi Toshkent islom instituti magistraturasiga hujjat topshirgan, arab tilidan sertifikati bor abituriyentlar testdan ozod etiladi. Ular 11 avgust kuni ijodiy imtihon topshiradi.

  • Zarur hujjatlar: Shaxsni tasdiqlovchi hujjat (pasport/ID-karta) va ruxsatnoma.

  • Vaqt: Ruxsatnomada ko‘rsatilgan vaqtdan 30 daqiqa oldin kelish talab etiladi. Soat 17:00 dan kechikkanlar testga kiritilmaydi.

  • Tartib: Telefon, aqlli soat, shporgalka va boshqa elektron qurilmalardan foydalanish qat’iyan man etiladi hamda chetlatishga asos bo‘ladi.

Manzil: Chilonzor tumani, Sugalli ota ko‘chasi, 5/1-uy.

Aloqa: +998 99 876 0310

Rasmiy manba: https://t.me/qabulmuslimuz

O‘zbekiston musulmonlari idorasi
Matbuot xizmati

Diniy ta’lim muassasalariga kirish imtihoni Toshkent shahrida davom etmoqda Diniy ta’lim muassasalariga kirish imtihoni Toshkent shahrida davom etmoqda Diniy ta’lim muassasalariga kirish imtihoni Toshkent shahrida davom etmoqda Diniy ta’lim muassasalariga kirish imtihoni Toshkent shahrida davom etmoqda Diniy ta’lim muassasalariga kirish imtihoni Toshkent shahrida davom etmoqda Diniy ta’lim muassasalariga kirish imtihoni Toshkent shahrida davom etmoqda
O'zbekiston yangiliklari
#logo