Sayt test holatida ishlamoqda!
12 Avgust, 2026   |   29 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:59
Quyosh
05:29
Peshin
12:28
Asr
17:23
Shom
19:31
Xufton
20:58
Bismillah
12 Avgust, 2026, 29 Safar, 1448
Avvalgi sayt
#search
 YouTube

Saudiya matbuotida O'zbekistonga keng o'rin ajratilmoqda

01.04.2024   3593   2 min.
Saudiya matbuotida O'zbekistonga keng o'rin ajratilmoqda

Saudiya Arabistoni axborot agentligi – SPA Podshohlik Taraqqiyot jamg'armasi bosh direktori Sulton bin Abdurahmon Al-Murshid o'z qarorgohida O'zbekiston Respublikasi tashqi ishlar vaziri birinchi o'rinbosari Bahrom A'loyev boshchiligidagi delegatsiya bilan uchrashgani haqida maqola e'lon qildi.

Uchrashuvda jamg'arma tomonidan yurtimizda moliyalashtiriladigan loyihalar yordamida turli sohalar rivojini qo'llab-quvvatlash orqali hamkorlikni kengaytirish yo'llari muhokama etilgan.

Ta'kidlash joiz, respublikamizda 2008 yildan buyon faoliyat olib borayotgan Saudiya Taraqqiyot jamg'armasi ta'lim, sog'liqni saqlash, transport, uy-joy, suv ta'minoti va kanalizatsiya yo'nalishlariga imtiyozli kredit ajratish orqali 11 ta loyiha va dasturni amalga oshirmoqda.

SPA Ar-Riyodda bo'lib o'tgan Saudiya Arabistoni va O'zbekiston o'rtasidagi siyosiy maslahatlashuvning beshinchi davrasi tafsilotini ham yoritdi.

– Podshohlik tashqi ishlar vaziri o'rinbosari Volid bin Abdulkarim Al-Hurayjiy va O'zbekiston TIV rahbari birinchi o'rinbosari Bahrom A'loyev boshchiligidagi delegatsiyalar ikki tomonlama munosabatni turli jabhada rivojlantirish yo'llarini ko'rib chiqdi, umumiy manfaat keltiradigan qator masalalar yuzasidan fikr almashdi. Tadbirda Saudiya Arabistoni Podshohligining O'zbekiston Respublikasidagi Favqulodda va muxtor elchisi  Yusuf bin Solih Al-Utaybiy ham ishtirok etdi.

Saudiyaning qator nashrlarida “Valiahd shahzoda oliylariga O'zbekiston Respublikasi Prezidentidan yozma maktub keldi” sarlavhali maqola e'lon qilindi.

Valiahd shahzoda va Bosh vazir Muhammad bin Salmon bin Abdulaziz Ol Saud O'zbekiston Respublikasi Prezidenti Shavkat Mirziyoevdan ikki davlat o'rtasidagi ikki tomonlama munosabatga oid yozma maktub olgani yoritilgan materialda maktub orqali umumiy manfaatdor mavzular ko'tarilgani, aloqalarni barcha sohada yanada mustahkamlash zarurligi ta'kidlangani aks etgan.

Muharrama Pirmatova, O'zA

Dunyo yangiliklari
Boshqa maqolalar
Yangiliklar

Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin

11.08.2026   19582   2 min.
Banklar va mikromoliya tashkilotlari o‘z faoliyatini islomiy bank faoliyatiga o‘zgartirishi mumkin

Adliya vazirligi Mikromoliya tashkiloti va bank faoliyatini o‘zgartirish tartibi to‘g‘risidagi nizomga o‘zgartirish va qo‘shimchalarni davlat ro‘yxatidan o‘tkazdi (ro‘yxat raqami 3656-1, 01.08.2026 y.), xabar bermoqda huquqiyaxborot Telegram kanali.

Mazkur idoraviy hujjat "O‘zbekiston Respublikasining ayrim qonun hujjatlariga O‘zbekistonda islomiy bank faoliyatini joriy etishga qaratilgan qo‘shimcha va o‘zgartirishlar kiritish to‘g‘risida" 2026 yil 27 martdagi O‘RQ–1126-son Qonunga muvofiq ayrim kredit tashkilotlari faoliyatini o‘zgartirishning quyidagi tartib-taomillarini belgilaydi:

  • mikromoliya tashkilotini faqat islomiy bank faoliyatini amalga oshiruvchi mikromoliya bankiga o‘zgartirish;
  • faqat islomiy bank faoliyatini amalga oshiruvchi mikromoliya bankini faqat islomiy bank faoliyatini amalga oshiruvchi bankka o‘zgartirish;
  • faqat islomiy bank faoliyatini amalga oshiruvchi bankni faqat islomiy bank faoliyatini amalga oshiruvchi mikromoliya bankiga o‘zgartirish;
  • faqat islomiy bank faoliyatini amalga oshiruvchi mikromoliya bankini mikromoliya tashkilotiga o‘zgartirish;
  • bankni faqat islomiy bank faoliyatini amalga oshiruvchi bankka o‘zgartirish.

Shuningdek, o‘z faoliyatini faqat islomiy bank faoliyatini amalga oshiruvchi bankka o‘zgartirishga faqat islomiy bank faoliyatini amalga oshiruvchi mikromoliya banki haqli.

Mikromoliya bankini davlat ro‘yxatidan o‘tkazish va bank faoliyatiga doir tegishli litsenziya (litsenziyalar) olish uchun nogironligi bo‘lgan shaxslar uchun mikromoliya banki binolarida shaharsozlik normalari va qoidalarida belgilangan talablarga muvofiq qulay shart-sharoitlar yaratilganligi bo‘yicha Qurilish va uy-joy kommunal xo‘jaligi sohasida nazorat qilish inspeksiyasining xulosasi mavjud bo‘lishi kerak.

Tashabbus Fors ko‘rfazi mamlakatlaridan investitsiyalarni jalb qilishga qaratilgan bo‘lib, dastlabki hisob-kitoblarga ko‘ra, ushbu chora-tadbirlarni amalga oshirish iqtisodiyotga depozitlar va to‘g‘ridan to‘g‘ri investitsiyalar ko‘rinishida taxminan 1 milliard dollar jalb qilishi mumkin. Mutaxassislarning prognozlariga ko‘ra, 2035 yilga borib O‘zbekiston ushbu tizim ishga tushirilgandan beri dunyoda islom moliyasining eng tez o‘sishini namoyish etadi.

O‘zbekiston musulmonlari idorasi Matbuot xizmati

O'zbekiston yangiliklari
#logo