Sayt test holatida ishlamoqda!
19 Noyabr, 2026   |   9 Jumadul soni, 1448

Toshkent shahri
Tong
05:53
Quyosh
07:11
Peshin
12:14
Asr
15:19
Shom
17:04
Xufton
18:19
Bismillah
19 Noyabr, 2026, 9 Jumadul soni, 1448
Maqolalar

Hadya

05.11.2024   12471   1 min.
Hadya

Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi. 
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib. 
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi. 
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
 
Akbarshoh Rasulov tarjimasi

Hadya
Ibratli hikoyalar
Boshqa maqolalar
Yangiliklar

Ilmiy-amaliy seminar ilg‘or tajriba va yangi tashabbuslarga boy bo‘ldi

27.10.2026   77847   1 min.
Ilmiy-amaliy seminar ilg‘or tajriba va yangi tashabbuslarga boy bo‘ldi

Bugun, 27 oktyabr kuni Urganch shahridagi Xorazm viloyati vakilligining yangi binosida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari boshchiligida respublika imom-xatiblarining ilmiy-amaliy seminari bo‘lib o‘tdi.

Tadbir an’anaga ko‘ra Qur’oni karim tilovati va xayrli duolar bilan boshlandi.

Ilmiy-amaliy seminarda so‘zga chiqqan Muftiy hazratlari muhtaram Prezidentimiz tashabbuslari bilan Yangi O‘zbekistonda diniy-ma’rifiy sohada amalga oshirilayotgan tarixiy islohotlarga alohida to‘xtaldilar.

Xususan, yaqindagina ochilgan muhtasham Imom Moturidiy majmuasi, so‘nggi yillarda bunyod etilgan ko‘rkam masjidlar, imom-xatiblarning tobora yuksalib borayotgan ilmiy salohiyati hamda diniy soha xodimlarining xayriya tadbirlaridagi faolligi aniq raqamlar va ta’sirchan hayotiy misollar asosida aytib o‘tildi.

Shuningdek, Xorazm viloyati imom-domlalari va otinoyilarining faoliyatiga alohida to‘xtalib, jamoat uchun har kuni fidoyilik qilib kelayotgan imom domlalar namuna qilib ko‘rsatildi.

Yurtimiz bosh imomlari ishtirokidagi seminarda diniy soha xodimlari uchun yangi xushxabarlar va tashabbuslar e’lon qilindi: 2027 yildan boshlab tizimda faoliyat ko‘rsatayotgan imom-xatiblarni manzilli rag‘batlantirish maqsadida fan doktori (DSc) va falsafa doktori (PhD) olganlar va oilaviy ajrimlarning oldini olishda faollik ko‘rsatganlarga katta mukofotlar berilishi belgilandi.

Yig‘ilish davomida Qoraqalpog‘iston musulmonlari qoziyoti qozisi hamda viloyatlar bosh imom-xatiblarining joylarda amalga oshirilayotgan ishlar va yangicha yondashuvlar bo‘yicha axborotlari tinglandi.

Mazkur ilmiy-amaliy anjuman soha vakillarining kasb-mahoratini yuksaltirish, o‘zaro tajriba almashish va faoliyatga zamonaviy texnologiyalarni joriy etishda ulkan ahamiyat kasb etdi. Seminar davomida belgilab olingan ustuvor vazifalar va ezgu maqsadlar barcha ishtirokchilarni xayrli amallar sari ruhlantirdi.

O‘zbekiston musulmonlari idorasi Matbuot xizmati

O'zbekiston yangiliklari