Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi.
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib.
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi.
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
Akbarshoh Rasulov tarjimasi
Boku shahrida O‘zbekiston delegatsiyasi Ozarbayjon Milliy fanlar akademiyasiga tashrif buyurib, ilmiy-madaniy hamkorlikni kengaytirish va mushtarak tarixiy merosni o‘rganish masalalarini muhokama qildi.
26 oktyabr kuni bo‘lib o‘tgan uchrashuvda O‘zbekistonning Ozarbayjondagi Favqulodda va Muxtor Elchisi Bahrom Ashrafxonov, O‘zbekistondagi Islom sivilizatsiyasi markazi direktori Firdavs Abduxoliqov, O‘zbekiston tarixi davlat muzeyi direktori Jannat Ismoilova hamda O‘zbekiston musulmonlari idorasi raisi o‘rinbosari Homidbek Eshmatbekov ishtirok etdi.
Muzokaralarda tarixiy qo‘lyozmalar va ilmiy manbalarni tadqiq etish, buyuk allomalar merosini xalqaro miqyosda targ‘ib qilish, ilmiy muassasalar va muzeylar o‘rtasida tajriba almashish hamda qo‘shma loyihalarni amalga oshirish istiqbollariga alohida e’tibor qaratildi.
Tashrif ikki mamlakat o‘rtasidagi ilmiy-madaniy aloqalarni mustahkamlash va o‘zaro hamkorlikning yangi yo‘nalishlarini rivojlantirishga xizmat qiladi.