Sayt test holatida ishlamoqda!
23 Noyabr, 2026   |   13 Jumadul soni, 1448

Toshkent shahri
Tong
05:57
Quyosh
07:15
Peshin
12:15
Asr
15:17
Shom
17:01
Xufton
18:17
Bismillah
23 Noyabr, 2026, 13 Jumadul soni, 1448
Maqolalar

Hadya

05.11.2024   12949   1 min.
Hadya

Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi. 
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib. 
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi. 
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
 
Akbarshoh Rasulov tarjimasi

Hadya
Ibratli hikoyalar
Boshqa maqolalar
Yangiliklar

Namangan vakilligiga yangi xizmat avtomobili topshirildi

12.10.2026   74161   2 min.
Namangan vakilligiga yangi xizmat avtomobili topshirildi

11 oktyabr kuni O‘zbekiston musulmonlari idorasi tomonidan diniy-ma’rifiy sohada samarali faoliyat yuritib kelayotgan Namangan viloyati vakilligi jamoasiga zamonaviy «Leapmotor» rusumli xizmat avtomobili tantanali ravishda topshirildi.

Marosimda so‘zga chiqqanlar so‘nggi yillarda muhtaram Prezidentimiz tashabbuslari bilan diniy-ma’rifiy sohani izchil rivojlantirish, milliy-diniy qadriyatlarimizni ravnaq toptirish hamda diniy soha xodimlari samarali faoliyat yuritishi uchun qulay sharoitlar yaratish borasida keng ko‘lamli islohotlar hayotga tatbiq etilayotganini e’tirof etdilar.

Ana shunday xayrli ishlarning uzviy davomi sifatida O‘zbekiston musulmonlari idorasi tomonidan hududiy vakilliklarning moddiy-texnika bazasini mustahkamlash, ularning faoliyat sharoitlarini yanada yaxshilash hamda xodimlarni ijtimoiy qo‘llab-quvvatlashga alohida e’tibor qaratilmoqda.

Jumladan, Namangan vakilligi uchun yangi, barcha qulayliklarga ega binolar ajratilib, zarur mablag‘lar yo‘naltirilgani bunga yorqin misoldir. Mazkur ezgu sa’y-harakatlarning davomi sifatida viloyat vakilligiga yangi xizmat avtomobili ham taqdim etildi.

Eslatib o‘tamiz, yaqinda O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Namangan viloyati vakilligi yangi binosining ochilish marosimida hududdagi diniy-ma’rifiy faoliyatni yanada jonlantirish va xizmat ko‘lamini kengaytirish maqsadida yangi xizmat avtomobili ajratilishini ma’lum qilgan edilar.

Topshirish jarayonida senator, “Nuroniy” jamg‘armasi Namangan viloyati bo‘limi raisi Ikromxon Najmiddinov, Diniy idoraning Moliyaviy tahlil va nazorat bo‘limi boshlig‘i Islomiddin domla Zuhriddinov, Namangan viloyati bosh imom-xatibi Abdulloh domla Samatov, faxriylar, nuroniylar va diniy soha xodimlari ishtirok etdi.

Bunday yuksak e’tibor va g‘amxo‘rlik soha xodimlarining mas’uliyatini yanada oshirish, hududiy vakillik faoliyatini zamon talablari asosida samarali tashkil etish hamda joylardagi diniy-ma’rifiy targ‘ibot ishlari sifatini yangi bosqichga olib chiqishga xizmat qiladi.

Alloh taolo ushbu xayrli va savobli ishlarga hissa qo‘shgan barcha mutasaddilardan rozi bo‘lsin, ushbu ezgu tashabbuslarni xayrli va davomli  qilsin!

O‘zbekiston musulmonlari idorasi Matbuot xizmati

O'zbekiston yangiliklari