Sayt test holatida ishlamoqda!
23 Noyabr, 2026   |   13 Jumadul soni, 1448

Toshkent shahri
Tong
05:57
Quyosh
07:15
Peshin
12:15
Asr
15:17
Shom
17:01
Xufton
18:17
Bismillah
23 Noyabr, 2026, 13 Jumadul soni, 1448
Maqolalar

Hadya

05.11.2024   12958   1 min.
Hadya

Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi. 
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib. 
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi. 
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
 
Akbarshoh Rasulov tarjimasi

Hadya
Ibratli hikoyalar
Boshqa maqolalar
Yangiliklar

Tarixiy anjuman: Shayx Ayman Suvaydning mahorat darslari tinglovchilariga shahodatnomalar topshirildi

12.10.2026   69262   2 min.
Tarixiy anjuman: Shayx Ayman Suvaydning mahorat darslari tinglovchilariga shahodatnomalar topshirildi

10 oktyabr kuni O‘zbekiston musulmonlari idorasida zamonamizning dunyo tan olgan yetuk olimi, doktor Shayx Ayman Rushdiy Suvayd janoblarining ikki haftalik mahorat darslarini muvaffaqiyatli tamomlagan Qur’oni karim va tajvid ustozlariga shahodatnoma topshirish marosimi bo‘lib o‘tdi.

Tantanali tadbir Qur’oni karim tilovati va xayrli duolar ila boshlandi.

Tadbir avvalida O‘zbekiston musulmonlari idorasi raisi, muftiy Shayx Nuriddin Xoliqnazar hazratlari so‘zga chiqib, Davlatimiz Rahbarining xayrli tashabbusi bilan yurtimizda Qur’oni karim ta’limiga keng yo‘l ochib berilganini alohida e’tirof etdilar. Shuningdek, bu yilgi mahorat darslari Diniy idora tarixida ilk bor qorilar jamlangan fayzli majlis bo‘lganini bayon etib, yurtimizdagi Qur’on ta’limi an’analari bugun qayta bo‘y ko‘rsatayotgani, ushbu darslarda olingan yuksak ilm va odob respublikamizning barcha go‘shalaridagi minglab toliblarga yetkazilishini bildirdilar.

Shundan so‘ng muhtaram mehmon, doktor Shayx Ayman Suvayd hazratlari bolalik yillari bir vaqtlar mustabid tuzim ta’sirida bo‘lgan ushbu zaminga kelib, Qur’on muallimlariga dars berishini hatto xayolga ham keltira olmaganini xotirladi. U kishi O‘zbekiston va uning atrofi bugun ilm-ma’rifat, sof va mo‘tadil islomiy ta’limning chinakam «oltin davri»ni yashayotganini, mamlakat butun Markaziy Osiyo uchun ilm mayog‘iga aylanganini bayon etdi. Shuningdek, Shayx Ayman Suvayd asli buxorolik Shayx Zakariyo Buxoriy rahimahulloh o‘gitlarini eslatgan holda tolibi ilmlarni Qur’on ta’limi o‘rganish va uni o‘rgatishga jiddu jahd qilishga chaqirib, ko‘rsatilgan yuksak ehtirom uchun minnatdorlik bildirdi.

O‘z navbatida, O‘zbekiston musulmonlari idorasi Qur’oni karim va tajvidni o‘rgatish bo‘limi mudiri Shayx Alixon qori Fayzulloh mahdum so‘z olib, muhtaram Prezidentimiz tomonidan yurtimizda ilmu ma’rifat taraqqiyotiga yuksak e’tibor ko‘rsatilayotganini e’tirof etish barobarida zamonamizning Ibn al-Jazariysi deb e’tirof etilgan Shayx Ayman Suvaydning shoh asari — «At-Tajvidul-musavvar» kitobini muallifning o‘zidan o‘rganish muyassar bo‘lgani katta baxt ekanini ta’kidladi.

Tadbirning asosiy qismida Muftiy Shayx Nuriddin Xoliqnazar hazratlari, Shayx Ayman Suvayd hamda Shayx Alixon qori tomonidan mahorat darslarida faol ishtirok etgan tinglovchilarga maxsus shahodatnomalar tantanali ravishda topshirildi.

Marosim so‘ngida Muftiy hazratlari boshchiligida ishtirokchilar yurtimiz tinchligi, xalqimiz farovonligi, ustozlar salomatligi va ularning ilmu ma’rifat yo‘lidagi faoliyatiga baraka so‘rab xayrli duolar qilishdi.

O‘zbekiston musulmonlari idorasi Matbuot xizmati

O'zbekiston yangiliklari