Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi.
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib.
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi.
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
Akbarshoh Rasulov tarjimasi
Ta’lim muassasasida yoshlarni internet va ijtimoiy tarmoqlardan to‘g‘ri foydalanishga o‘rgatish, turli axborot xurujlari, zararli g‘oyalar hamda virtual makonda uchraydigan tahdidlardan ogoh etish maqsadida "Ijtimoiy tarmoqlardan oqilona foydalanish — bilim va taraqqiyot garovi" mavzusida ma’naviy-ma’rifiy tadbir tashkil etildi.
Tadbirda Din ishlari bo‘yicha qo‘mitaning Qashqadaryo viloyatidagi yetakchi mutaxassisi A. Usmonov hamda ta’lim muassasasi mudiri O‘. G‘uzarov ishtirok etdi.
Uchrashuv davomida ijtimoiy tarmoqlardagi turli zararli axborotlar, ekstremistik g‘oyalar, yolg‘on xabarlar va yoshlar ongiga salbiy ta’sir ko‘rsatuvchi internet tahdidlari haqida atroflicha tushunchalar berildi.
Shuningdek, ishtirokchilarga internetdan foydalanishda hushyor va mas’uliyatli bo‘lish, har qanday ma’lumotga tanqidiy yondashish, milliy va diniy qadriyatlarni asrash hamda virtual olamdagi turli tuzoqlarga tushib qolmaslik yuzasidan tavsiyalar berildi.
Tadbir savol-javob va fikr-mulohazalar bilan mazmunli tarzda yakunlandi.