Sayt test holatida ishlamoqda!
17 Noyabr, 2026   |   7 Jumadul soni, 1448

Toshkent shahri
Tong
05:51
Quyosh
07:13
Peshin
12:13
Asr
15:21
Shom
17:05
Xufton
18:22
Bismillah
17 Noyabr, 2026, 7 Jumadul soni, 1448
Maqolalar

Hadya

05.11.2024   12169   1 min.
Hadya

Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi. 
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib. 
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi. 
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
 
Akbarshoh Rasulov tarjimasi

Hadya
Ibratli hikoyalar
Boshqa maqolalar

QUR’ONNI TAJVIDSIZ O‘QISA BO‘LADIMI?

06.11.2026   54296   1 min.
QUR’ONNI TAJVIDSIZ O‘QISA BO‘LADIMI?

Da’vo: “Yurtimizdagi tajvid ilmini o‘rgatadigan ustozlar “Ummatni toqatini kemiruvchi kanalar. Yoshlarni vaqtini tajvid ilmini o‘rgatish bilan emas balki jihodga sarflash kerak. Qur’onni tajvidsiz o‘qisa ham bo‘ladi”.

Raddiya: Ma’lumki shariat ko‘rsatmalarining asosi Allohning kalomi Qur’oni karimdir. Qur’onni o‘qishlikda oldin albatta tajvid qoydalarini o‘rganish juda muhim hisoblanadi. Bordiyu tajvidsiz Qur’on o‘qishlik uning ma’nolari o‘zgarib ketishiga sabab bo‘ladi. Tabiiyki Qur’onni ma’nolarini o‘zgatirib o‘qish katta gunohdir.

Shunday ekan tajvid ilmi Qur’on o‘qishni o‘rganishda katta ahamiyatga ega. Bu haqda Alloh taolo bunday marhamat qiladi:

﴿وَرَتِّلِ ٱلْقُرْءَانَ تَرْتِيلًا﴾

“Qur’onni tartil bilan tilovat qil” (Muzzammil surasi, 4-oyat).

Rasululloh sollallohu alayhi vasallam aytadilar: “Qur’onni mohirona o‘quvchi farishtalar bilan birga bo‘ladi” (Imom Buxoriy, Imom Muslim rivoyati).

Ushbu hadisning sharhida Hanafiy ulamolarimiz “mohirlik” jumlasiga tajvid qoidalariga amal qilib o‘qish deb ma’no berganlar.

 

O‘tkirbek Sobirov

O‘zbekiston musulmonlari idorasi bo‘lim boshlig‘i,

Toshkent islom instituti o‘qituvchisi