Bir qizaloq taqinchoq do‘koniga kirib sotuvchiga qarab chiroyli zirak ko‘rsatishini so‘radi. Sotuvchi qizaloqqa hayratlangancha qarab turaverdi. Shunda qizaloq bir zirakni ko‘rsatib: “Mana buni chiroyli qilib o‘rab berolasizmi?!”, dedi. Sotuvchi: “Puling bormi?” deb so‘radi.
Qizaloq cho‘ntagidagi bir nechta tangani chiqarib,:“Bor pulim shu, yetadimi?” deb so‘radi. So‘ngra u: “Bilasizmi, men opamga shu zirakni sovg‘a qilmoqchiman. Chunki u onamiz olamdan o‘tganidan keyin bizga g‘amxo‘rlik qilib kelmoqda. Men opamni xursand qilishni juda xohlardim. Menda bori shu”, dedi pulga ishora qilib.
Bir necha soniyadan so‘ng sotuvchi zirakni chiroyli qutiga solib, qizchaning qo‘liga berdi. U xursand bo‘lganicha uyiga shoshib ketdi.
Bir fursatdan so‘ng do‘konga bir o‘rta yoshli qiz kirib, do‘konchiga o‘sha qizaloq olgan zirakni ko‘rsatib: “Buni sizdan olganmidi?” deb so‘radi. Sotuvchi taqinchoqga qarab: “Ha” deb javob berdi. Qiz taqinchoqni narxi qanchaligini so‘radi. Sotuvchi: “Bu xaridor va mening kelishuvim” deb javob qildi. U: “Singlimda bir necha tanga bor edi. Bu esa judayam qimmatligini bilaman. Bunga pulimiz yetmaydi” deb zirakni qaytarib bermoqchi bo‘ldi.
Shunda sotuvchi: “Singlingiz bor budini berdi. Bu narxni hech kim bera olmaydi”, deya taqinchoqni qizga qaytarib berdi.
Akbarshoh Rasulov tarjimasi
Buyuk Britaniyaning nufuzli “The Telegraph” gazetasida “Buyuk ipak yo‘li bo‘ylab noyob sarguzasht” sarlavhali maqola e’lon qilindi, deb xabar bermoqda “Dunyo” AA muxbiri.
Maqolada Buyuk ipak yo‘li bo‘ylab sayohat qilish O‘zbekistonni Markaziy Osiyodagi eng muhim tarixiy-madaniy turizm yo‘nalishlaridan biri sifatida namoyon etishi ta’kidlangan. Xususan, asrlar davomida xalqaro savdo, madaniy almashinuv va sivilizatsiyalar kesishmasi bo‘lib kelgan Samarqand, Buxoro va Xiva shaharlariga alohida e’tibor qaratilgan.
“Salobatli minoralar, nafis gumbazlar va jozibali mozaikalar qatorida Xivadagi Toshhovli saroyi, Buxorodagi Kalon masjidi, Samarqanddagi Registon maydoni va Bibixonim masjidi Buyuk ipak yo‘lining haqiqiy ramzlari sifatida yaqqol ajralib turadi ”, — deb yozgan maqola mualliflari.
Nashrda qayd etilishicha, qadimiy arxitektura ansambllari, masjid va madrasalar, an’anaviy bozorlar va betakror mozaikalar O‘zbekistonning boy tarixiy merosini o‘zida aks ettiradi. Mamlakatning sayyohlik jozibasi tarixiy yodgorliklar, milliy an’analar, hunarmandchilik san’ati, boy gastronomiya va xalqning samimiy mehmondo‘stligiga asoslangani ta’kidlangan.
Maqola yakunida O‘zbekiston xalqaro turizmni yanada rivojlantirish va Buyuk ipak yo‘lining asosiy turistik markazlaridan biri sifatidagi mavqeini mustahkamlash uchun ulkan salohiyatga ega ekani e’tirof etilgan.
O‘zbekiston musulmonlari idorasi Matbuot xizmati