Avval xabar berganimizdek, joriy yilning 11–16 noyabr kunlari yurtimiz bo‘ylab Bag‘rikenglik haftaligi o‘tkaziladi.
Ushbu haftalik doirasida mamlakatimizda millatlararo totuvlik va diniy bag‘rikenglikni ta’minlash borasida amalga oshirilayotgan ishlar yuzasidan "O‘zbekiston – bag‘rikeng diyor" mavzusida Xalqaro press-klub bo‘lib o‘tdi.
Unda bir qator tashkilotlar, milliy madaniy markaz rahbarlari va konfessiya vakillari ishtirok etdi.
Spikerlar tomonidan mamlakatimizda olib borilayotgan millatlararo totuvlik va diniy bag‘rikenglik siyosatiga yuqori baho berib, yurtimizda keng nishonlanadigan "Bag‘rikenglik haftaligi" doirasida bo‘lib o‘tadigan tadbirlar xalqlarimiz orasidagi do‘stlik rishtalarining rivoj topishiga, millatlararo totuvlik va diniy bag‘rikenlik munosabatlarini yanada mustahkamlashga xizmat qilishi ta’kidlandi.
O‘zbekiston musulmonlari idorasi
Matbuot xizmati
Kuni kecha madrasaga Qozon islom universiteti prorektori Gizatullin Ramil Anasovich hamda Xalqaro aloqalar bo‘limi boshlig‘i Malikov Oymahmad Xolmamadovich boshchiligidagi delegatsiya tashrif buyurdi.
Samimiy ruhda kechgan uchrashuv davomida tomonlar ta’lim va ilmiy tadqiqot sohalarida o‘zaro tajriba almashish, istiqbolli ilmiy loyihalarni hayotga tatbiq etish hamda eng muhimi — talabalar va professor-o‘qituvchilar almashinuvini tizimli yo‘lga qo‘yish masalalarini atroflicha muhokama qildilar.
Tashrifning tarixiy yakunida imzolangan hamkorlik memorandumi ikki yirik ta’lim muassasasi o‘rtasidagi do‘stlik va ilmiy aloqalarni mustahkamlab, islomiy ta’lim sifatini oshirish yo‘lida xizmat qiladigan strategik qadam bo‘ldi.
Mirarab.uz