Hamyurtimiz Quvaytdagi xalqaro Qur’on musobaqasida qatnashadi
2024 yil 13-20 noyabr kunlari Quvayt davlatida 13-xalqaro Qur’on musobaqasi bo‘lib o‘tadi.
Mazkur musobaqada "Ko‘kaldosh" bilim yurti 4-kurs talabasi Fayzullohxon qori Hamidov ishtirok etadi.
Hamyurtimiz xalqaro Qur’on musobaqasiga ertaga, 12 noyabr kuni Quvayt shahriga jo‘nab ketadi.
Shu munosabat bilan Fayzullohxon qori bugun 11 noyabr kuni "Qur’on va tajvidni o‘rgatish" bo‘limiga kelib, bo‘lim mudiri ustoz Shayx Alijon qori Fayzulloh Mahdumdan kerakli ko‘rsatma va xayrli duolarni oldi.
O‘zbekiston musulmonlari idorasi
Matbuot xizmati
Qiyomat kuni dahshatli emas!
Qiyomat kuni ba’zilar o‘ylaganidek dahshatli emas, balki u Kun ahdiga sodiq bo‘lgan va o‘sha Kun uchun amal qilganlar uchun ajoyib va go‘zal kun bo‘ladi: “Ularni buyuk dahshat mahzun qilmas” (Anbiyo surasi, 103-oyat).
Ular qayta tirilganlarida va farishtalar ularni kutib turganini ko‘rganlarida, u Kun ajoyib kun bo‘ladi: “Farishtalar ularni: «Bu sizlarga va’da qilingan kuningizdir», – deya kutib olurlar” (Anbiyo surasi, 103-oyat).
Ular shodlikdan butun olamga jar solganda u Kun ajoyib kun bo‘ladi: “Mana, mening kitobimni o‘qib ko‘ringlar!” (Haaqqo surasi, 19-oyat).