Yurtimiz bo‘ylab "Bag‘rikenglik haftaligi" davom etmoqda
Avval xabar berganimizdek, shu yilning 11–16 noyabr kunlari respublikamizning barcha hududida "Bag‘rikenglik haftaligi" o‘tkaziladi.
Haftalik doirasida yurtimiz bo‘ylab insholar tanlovlari, eng yaxshi rasmlar tanlovlari, bag‘rikenglikni targ‘ib qiluvchi she’rxonlik kechalari, shuningdek, matbuot anjumanlari, ilmiy-amaliy va ma’rifiy tadbirlar, davra suhbatlari hamda konsert dasturlari katta shukuh va ko‘tarinki kayfiyatda bo‘lib o‘tmoqda.
Haftalik doirasidagi yangiliklarni ijtimoiy tarmoqlarimiz orqali kuzatib boring.
O‘zbekiston musulmonlari idorasi
Matbuot xizmati
Bayram shukuhi xonadonlarga kirib boryapti
Eng ulug‘, eng aziz bayram – Mustaqillik shodiyonalariga sanoqli kunlar qoldi. Ayyom arafasida kam ta’minlangan, boquvchisini yo‘qotgan, o‘zgalar ko‘magiga muhtoj bemorlar, keksalar holidan xabar olinib, ularga bayram tuhfalari yetkazib berilyapti.
Bugun Toshkent shahar bosh imom-xatibi Abduqahhor domla Yunusov boshchiliklarida imom-domlalar, homiylar poytaxtimizning Olmazor tumanidagi "Islomobod" masjidida yig‘ilib, ehtiyojmand oilalar holidan xabar olishdi.
«Vaqf» xayriya jamoat fondi Toshkent shahar filiali hamda homiylar ko‘magida tayyorlangan oziq-ovqatlar jamlanmasi, shirinliklardan iborat ehsonlar bilan xonadonlarga kirib borildi.
Ko‘ngli o‘ksik insonlar bayram tuhfalarini olib, aziz yurtimizda hech kim mehr va e’tibordan chetda emasligiga yana bir karra amin bo‘lishdi.
Alloh taolo ehsonlarni qabul qilsin. Savoblarini ko‘paytirib bersin!
Toshkent shahar vakilligi
Matbuot xizmati
