“Albatta, Allohning zikri buyuk ishdir” deb marhamat qilgan Alloh taologa hamdu sanolar bo‘lsin!

“Alloh zikr qilinadigan uy bilan Alloh zikri qilinmaydigan uy xuddi tirik va o‘likka o‘xshaydi” deya ummatlariga zikrning fazilatlarini go‘zal misollar ila yetkazgan Habibimiz Rasululloh sollallohu alayhi vasallamga durudu salavotlar bo‘lsin!

Ka’bul Ahbor rahimahulloh aytadilar: “Allohning zikri bilan uyingizni nurga to‘ldiring. Xonadoningizga namozingizdan bo‘ladigan xursandchilikni olib kiring. Allohga qasamki, albatta, ularning nomlari samo ahliga ma’lumdir. Ular: “Falonchi uyini Allohning zikri bilan obod qilyapti”, deyishadi”.

Ka’b rahmatullohi alayhi dedilar: «“Subhanalloh”, “Alhamdulillah”, “Laa ilaha illalloh” va “Allohu akbar” zikrlari Arshning atrofida asalarining g‘uvillashi kabi eshitiladi. Ular o‘z egasini va uning solih amallarini zikr qilib turadi».

Davron NURMUHAMMAD