Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.
اللَّهُمَّ صَلِّ عَلَى مُحَمَّدٍ فِي الْأَوَّلِينَ وَ صَلِّ عَلَى مُحَمَّدٍ فِي الآَخرينَ وَصَلِّ عَلَى مُحَمَّدٍ في النَّبِيِّينَ وَ صَلِّ عَلَى مُحَمَّدٍ فِي الْمُرْسَلِينَ وَ صَلِّ عَلَى مُحَمَّدٍ فِي الْمَلَاءِ الْأَعْلَىٰ إِلَى يَوْمِ الدِّينِ اَللّهُمَ أَعْطِ مُحَمَّدًا الوَسِيلَةَ وَالْفَضيلَةَ وَ الشَّرَفَ وَ الدَّرَجَةَ الْكَبِيرَةَ
O‘qilishi: Allohumma solli ’ala Muhammadin fil avvaliyna va solli ’ala Muhammadin fil axiriyna va solli ’ala Muhammadin fin nabiyyiyna va solli ’ala Muhammadin fil mursaliyna va solli ’ala Muhammadin fil malail a’la ila yavmiddiyn. Allohumma a’ti Muhammadanil vasiylata val faziylata vash shapofa vad dapojatal kabiyrota!
Ma’nosi: Allohim! Avvalgilar orasida hazrati Muhammadga rahmat yog‘dir, keyingilar orasida hazrati Muhammadga rahmat yog‘dir, nabiy (payg‘ambar)lar orasida hazrati Muhammadga rahmat yog‘dir, mursal elchi rasullar orasida hazrati Muhammadga rahmat yog‘dir, malaul a’loda eng oliy, sharafli zotlar orasida to qiyomat kunigacha hazrati Muhammadga rahmat yog‘dir! Allohim! Hazrati Muhammadga vasiyla (jannatdagi eng oliy maqom), fazilat, sharaf va ulug‘ daraja ato qil! («Al-ad’iyatul-voridah», 64-s).
Faqih Abu Lays Samarqandiy aytadilar: «Abu Hurayra roziyallohu anhudan rivoyat qilinadi: «Rasululloh sollallohu alayhi vasallam aytdilar: «Vasiyla jannatdagi eng yuksak bir maqomdirki, unga faqat bir kishi erishadi. Umid qilamanki, o‘sha kishi men bo‘laman».
Sevikli Payg‘ambarimiz sollallohu alayhi vasallamning o‘z amrlariga muvofiq ul zotga vasiyla tilangani uchun bu salavot ham juda savoblidir.
«Eng go‘zal salavotlar» risolasidan
O‘zbekiston musulmonlari idorasi jamoasi Diniy idoraning Matbuot va media bo‘limi xodimi Davronjon Tursunovning volidai muhtaramalari vafoti munosabati bilan u kishining oila a’zolari va yaqinlariga chuqur ta’ziya izhor etadi.
Alloh taolo marhuma onaxonni O‘z mag‘firatiga olsin, iymonlari va solih amallarini o‘zlariga hamroh aylasin. Oxiratlarini obod etib, joylarini Firdavs jannatlaridan qilsin!
Haq taolo marhuma onaxonning ahli oilasi, farzandu arjumandlari va yaqinlariga chiroyli sabr berib, bu musibatlarini yaxshiliklar ila to‘ldirsin.
O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan hoji onaning yaqinlariga xususan, Davronjon hoji Tursunovga hamdardlik bildiramiz.
Janoza namozi bugun, asr namozidan so‘ng "Eshonxo‘ja ota" jome masjidida o‘qiladi.
Innaa lillaahi va innaa ilayhi roji’uun.
«Musibat yetganda “Albatta, biz Allohnikimiz va albatta, biz Unga qaytuvchimiz”, degan sabrlilarga xushxabar bering».
O‘zbekiston musulmonlari idorasi
Muslim.uz