O‘zbekiston musulmonlari idorasi hamda Din ishlari bo‘yicha qo‘mita hamkorligida o‘tkazib kelinayotgan namunaviy-amaliy tadbirlarning navbatdagisi joriy yilning 3 fevral kuni Toshkent shahar Sergeli tumanida o‘tkazildi. Tadbirga O‘zbekiston musulmonlari idorasi raisi o‘rinbosari Zayniddin Eshonqulov boshchilik qildi.

Tumandagi “Abdulloh ibn Zubayr” masjidida o‘tkazilgan tashkiliy yig‘ilishga Diniy idora mutaxassislari, Toshkent shahar vakilligi rahbariyati, tumanlar bosh imom-xatiblari hamda otinoyilari, shuningdek, tumandagi masjidlar imom-xatiblari, noiblari, otinoyilar, “Haj – 2024” hojilari hamda mahallalar raislari taklif qilindi.

Tadbir doirasida umumiy hisobda 116 ta oilaga xonadonga kirilib, ma’naviy-ma’rifiy targ‘ibot va amaliy yordamlar amalga oshirildi.

Tumandagi masjidlarda peshin namozini ado qilinib, yig‘ilgan qavmga “Yurtimizdagi bo‘layotgan islohotlar”, “Inson qadri uchun harakat – buyuk fazilat!”, “Tinchlik-xotirjamlik – ulug‘ ne’mat!”, “Shukronalik tuyg‘usi!”, “Mazhabga ergashish va yot g‘oyalar ta’siridan saqlanish” kabi dolzarb mavzularda ma’ruzalar qilindi. Bunda jami 2000 nafardan ortiq namozxon qamrab olindi.

Tadbir so‘ngida tuman imom-xatiblarining ma’naviy-ma’rifiy va masjid boshqaruvidagi faoliyatida kuzatilgan kamchiliklarni bartaraf etish yuzasidan ko‘rsatma va tavsiyalar berildi.

O‘zbekiston musulmonlari idorasi

Matbuot xizmati