Islom ta’lim muassasalarida ulug‘ allomalarimiz xotirlandi
“Xadichai Kubro” ayol-qizlar o‘rta-maxsus islom ta’lim muassasasida ulug‘ allomalarimiz Alisher Navoiy va Zahiriddin Muhammad Boburning tavallud kunlari munosabati bilan davra suhbati tashkil etildi.
Suhbatni Alisher Navoiy nomidagi Toshkent davlat o‘zbek tili va adabiyoti universiteti ilmiy xodimi Fotima Ikromova hamda O‘zbekistong Respublikasi fanlar akademiyasi Alisher Navoiy nomidagi Davlat adabiyot muzeyi katta ilmiy xodimi, filologiya fanlari nomzodi, navoiyshunos olima Ma’mura Rashidova olib borishdi.
Suhbat davomida talabalar bu ikki siymo haqida ko‘plab yangi, qiziqarli ma’lumotlar olishdi.
Tadbir so‘ngida esdalik sovg‘alar va tashakkurnomalar topshirildi.
***
Imom Faxriddin ar-Roziy o‘rta maxsus islom ta’lim muassasasida o‘zbek mumtoz adabiyotining yirik vakili, buyuk shoir, davlat arbobi, sarkarda Zahiriddin Muhammad Bobur tavalludining 542 yilligiga bag‘ishlangan «Adabiyotimizning yetuk namoyondalari» mavzusida davra suhbati bo‘lib o‘tdi.
O‘zbekiston musulmonlari idorasi
Matbuot xizmati
TIVda Indoneziya, Malayziya va Singapurdan O‘zbekistonga ko‘proq sayyohlarni jalb qilish masalalari muhokama qilindi
13 iyul kuni Tashqi ishlar vazirligida davlatimiz rahbarining 2021 yil 9 fevraldagi “O‘zbekiston Respublikasida ichki va ziyorat turizmini yanada rivojlantirish chora-tadbirlari to‘g‘risida”gi farmoni hamda Vazirlar Mahkamasining 2026 yil 9 yanvardagi “Umra plyus” ziyorat turizmi dasturini amalga oshirishga qaratilgan qo‘shimcha chora-tadbirlar to‘g‘risida”gi qarori ijrosini ta’minlash doirasida Indoneziya, Malayziya va Singapurdan mamlakatimizga tashrif buyurayotgan sayyohlar oqimini kengaytirishga qaratilgan yig‘ilish bo‘lib o‘tdi, deb xabar qilmoqda “Dunyo” AA muxbiri.
TIV ma’lumotiga ko‘ra, gibrid formatda tashkil etilgan ushbu yig‘ilishda O‘zbekiston Turizm qo‘mitasi, Din ishlari bo‘yicha qo‘mitasi, Texnik jihatdan tartibga solish agentligi, Buxoro, Samarqand viloyatlari va Toshkent shahri hokimliklari, “Uzbekistan Airways” AJ, “Uzbekistan Airports” AJ, mahalliy aviatashuvchi kompaniyalar, “Uzbekistan–Malaysia–Indonesia Travel Association”, “Umra ziyoratlari sayyohlik agentliklari assotsiatsiyasi”, shuningdek, turistik kompaniyalarning 40 nafarga yaqin vakillari ishtirok etishdi.
Yig‘ilishda Janubiy-Sharqiy Osiyo davlatlaridan O‘zbekistonga sayyohlar oqimini oshirish yo‘lidagi transport-logistika, xizmat ko‘rsatish va targ‘ibot masalalari atroflicha muhokama qilindi. Xususan, Malayziyadan qatnovlarni ko‘paytirish hamda Indoneziya va Singapurdan to‘g‘ridan to‘g‘ri aviareyslarni yo‘lga qo‘yish, “Umra+” dasturi doirasida ziyorat turizmi bo‘yicha targ‘ibot ishlarini jadallashtirish, xorijiy ziyoratchilar uchun infratuzilmani xalqaro halol standartlariga moslashtirish va sayyohlik kompaniyalar bilan ushbu yo‘nalishda olib borilayotgan ishlarni muvofiqlashtirish masalalari muhokama qilindi.
Tadbir “muammo-taklif-yechim” formatidagi ochiq muloqot ko‘rinishida bo‘lib o‘tdi va unda tomonlar sohadagi muammo hamda mavjud imkoniyatlar yuzasidan konstruktiv fikr almashishdi.
O‘zbekiston musulmonlari idorasi Matbuot xizmati
