Sayt test holatida ishlamoqda!
22 Noyabr, 2026   |   12 Jumadul soni, 1448

Toshkent shahri
Tong
05:56
Quyosh
07:14
Peshin
12:14
Asr
15:17
Shom
17:02
Xufton
18:18
Bismillah
22 Noyabr, 2026, 12 Jumadul soni, 1448

Hikmat to'la Baytulloh

14.03.2024   676   5 min.
Hikmat to'la Baytulloh

Alloh taolo: «Eslang, Baytni (Ka'bani) odamlar uchun ziyoratgoh va xavfsiz joy qilib qo'ydik...» (Baqara surasi, 125-oyat), deb marhamat qiladi.

Oyati karimadagi “مَثَابَةً” so'zini mufas­sir ulamolarimiz ham haj, ham umrani ado etish uchun “qayta-qayta borib to'ymaydigan joy” deb ta'riflashgan. Alloh taolo Ikki Harami sharif – Masjidul Harom va Mas­jidi Nabaviyni muqaddas joy qildi. Bu maskanlarga bormagan odamning armo­ni – borguncha, borgan odamning armoni – vafot etguncha. Ya'ni, bir marta borgan odam qayta-qayta Ka'bai muazzamani, Rav­zai sharifni ko'rishni orzu qilaveradi. Har borganda o'zgacha taassurot, o'zgacha ib­rat, nasiba olib, katta hikmat bilan o'z vataniga qaytadi.

Alhamdulillah, bu safargi umra ziyora­timiz ham hikmatlarga boy bo'ldi. Madina shahrida sheriklarimiz bilan taksiga o'tirdik. Taksichidan: “Hizmat haqi qancha bo'ladi?” deb so'rasak, u: “١٥ riyol bo'ladi”, dedi. Biz u bilan savdolashib: “O'n riyol bersak bo'ladimi? Chunki bizda sunnatga muvofiq mehmonga alohida iltifot, hurmat-ehtirom ko'rsatiladi, e'zozlanadi”, dedik.

Shunda haydovchi: “Unday demangiz. Madina va Makka shaharlari barcha musul­monlarnikidir. Boshqa yurtlardan kelgan kishilar bu shaharlarda mehmon bo'lmaydi. Bu erda ular o'zlarini o'z yurtlaridagidek his etishlari kerak”, dedi.

Bu so'zni ko'p mulohaza qildim. Bu biz anglamagan hikmat ekan.

Haqiqatan, Makkayu Madina – barcha musulmonlarniki.

Nega?

Chunki Madinai munavvarada Payg'am­barimiz sollallohu alayhi va sallamning Ravzai shariflari bor. Bu shahar Rasululloh tufayli ulug' bo'ldi, munavvar maskanga aylandi. Nabiy alayhissalom barcha mo'min-musulmonlarning payg'ambaridirlar. Biz ham qiyomat kuni boshqa mo'min-musulmon, boshqa ummat qatori Rasulullohning shafoatlariga muhtoj bo'lamiz. Payg'amba­rimizning ziyoratlariga borsak, o'zimizni o'z uyimizdagidek his qilishimiz kerak.

Makkai mukarrama ham hamma musulmon­larniki. Chunki Ka'bai muazzama Yer yuzidagi barcha musul­monlarning qiblasi­dir. Alloh taoloning ibodatga loyiq yakkayu yagona Zot ekanini bilgan, Rasulul­loh sollallohu alayhi va sallam­ning haq payg'ambar ekan­liklariga iymon keltirgan kishi borki, Baytullohga qarab namoz o'qiydi. Ka'bai muazzamadan boshqa tomonga qarab o'qilgan namoz durust bo'lmaydi.

Har ikkala sharif shahar ibratga to'la. Madinai munavvara va Makkai mukarramada bo'lgan odam dunyoda yashayotgan barcha musulmon xalqlar­ni ko'radi, ulardan namuna oladi. Harami sharif tashqarisida bir insonga ko'zim tushdi. Uning ikki oyog'i ham yo'q, qo'llariga suyangan hol­da dumbasi bilan Ka'ba tomonga sil­jib borardi. Birozdan so'ng ham­rohim yonimga kelib, haligi odam Ka'bani tavof qilib yuribdi, dedi.

Ko'z oldingizga keltiring-a, no­giron odam hech kimning ko'magisiz Ka'batullohga oshiqyapti, tisari­lib-tisarilib Allohning baytini ta­vof qilmoqda...

Bu holatni ko'rib chiday olmadik. Chunki Alloh taolo bizning oyoqla­rimizni, ko'zlarimizni, butun ta­namizni sog'lom qilib qo'ydi. Jis­mimizda qanchadan-qancha ne'matlar mujassam. Lekin shu ne'matlarning shukrini ham ma'naviy, ham amaliy jihatdan ado eta olyapmizmi?

Ushbu savollarga “Ha” deb javob bersak, bera olsak, biz chinakam mo'­minmiz, chinakam saodatli va baxt­limiz. .

Alloh taolo barchamizga O'z bay­tini takror-takror to O'zi rozi bo'l­gunicha ziyorat qilishni nasib etsin.

Salohiddin domla ShARIPOV,

Uchtepa tumani “Hazrati Ali” jome

masjidi imom-xatibi


"Hidoyat" jurnalining 2024 yilgi 2-sonidan olindi

Maqolalar
Boshqa maqolalar
Yangiliklar

Xalqaro anjuman ishtirokchilari Hakim Termiziy maqbarasini ziyorat qildilar

20.11.2026   71319   1 min.
Xalqaro anjuman ishtirokchilari Hakim Termiziy maqbarasini ziyorat qildilar

Bugun, 20 noyabr kuni Termiz shahrida o‘tkazilgan «Hakim Termiziy ilmiy-ma’naviy merosining bugungi kundagi ahamiyati» mavzusidagi xalqaro konferensiya ishtirokchilari buyuk mutafakkir majmuasida bo‘ldilar.

Xorijiy davlatlardan tashrif buyurgan muftiylar, taniqli ulamo va islomshunos olimlar hamda mahalliy soha vakillari muqaddas qadamjoda Qur’oni karim tilovat qilib, ulug‘ muhaddis va mutasavvif haqlariga duoi fotiha o‘qidilar. Butun dunyoda tinchlik-osoyishtalik barqaror bo‘lishi, yurtimiz yanada obodlashib, ajdodlarga munosib avlodlar yetishib chiqishini so‘rab xayrli duolar qilindi.

Mehmonlar mahobatli maqbara, serfayz hovli hamda majmuada amalga oshirilgan keng ko‘lamli bunyodkorlik ishlari bilan yaqindan tanishdilar.

Ular O‘zbekistonda diniy-ma’rifiy sohadagi islohotlar va allomalar merosiga ko‘rsatilayotgan yuksak ehtiromga yuqori baho berdilar.

O‘zbekiston musulmonlari idorasi Matbuot xizmati

O'zbekiston yangiliklari