Bismillahir Rohmanir Rohiym.
Alloh taologa bitmas-tuganmas hamdu sanolar bo‘lsin.
Payg‘ambarimizga mukammal va batamom salavotu durudlar bo‘lsin.

Mo‘min-musulmon inson kundalik hayotida dunyo va oxirat saodatiga musharraf qiluvchi eng muhim rejalarni tuzib, shu asosda ish yuritishi lozim. Quyida kundalik hayotimiz uchun muhim bo‘lgan qonun-qoidalarni sanab o‘tamiz:

– Namozlarni sunnat va nafllari bilan birga vaqtida ado etish.

– Zikrlarni vaqti va muayyan sababiga ko‘ra vazifa qilib ado etish.

– Rasululloh sollallohu alayhi vasallamga salavot, tasbeh, tahmid, tahlil va takbir kabi mutlaq zikrlarni va boshqalarni ado etib borish.

– Qur’ondan kundalik virdlarni o‘qib borish va kamroq bo‘lsa-da, yod olish.

– Rasululloh sollallohu alayhi vasallamning hadislaridan o‘qish yoki eshitishni vird, vazifa qilib olish.

– Dushanba va payshanba kunlari hamda qamariy hisobning ma’lum kunlarida qodir bo‘lgancha nafl ro‘za tutish.

– Ilmiy majlis, va’z eshitish yoki ruhiy tarbiya kitoblaridan o‘qish.

– Qodir bo‘lguningcha kunlik sadaqa, ehson chiqarish.

– Oila, do‘st-birodarlar bilan yaqin munosabatda bo‘lish, qo‘ng‘iroqlashib bo‘lsa-da, aloqada bo‘lib turish.

– O‘n oyat o‘qib ham ikki rakat tahajjudni hamda vitr namozini ado etish.

– Ko‘zni tiyish, kam so‘zlash, gina, kek saqlashni tark etish, foydali narsa bilan mashg‘ul bo‘lish.

– O‘limni eslash qalbni isloh bo‘lishida muhim turtki bo‘luvchi sababdir.

– Oila a’zolar, farzandlar bilan birga o‘tirish, ularga chiroyli muomalada bo‘lish, kenglik qilib berish va ular ko‘ngliga surur va xursandlik kiritish.