Vaqf” xayriya jamoat fondining Samarqand viloyati filiali hamda filial tasarrufidagi “Shohi Zinda” ziyoratgohi mutasaddilari hamkorligida xayriya tadbiri tashkil etildi.
Saxovatpesha, jo‘mard homiylarni jalb qilgan holda o‘tkazilgan tadbir davomida Samarqand shahrida istiqomat qiluvchi, moddiy yordamga juda muhtoj, bemori bor 40 ta oilaga oziq-ovqat mahsulotlari xayriya sifatida berildi.
Bundan tashqari, moddiy tomondan qiynalgan bir qancha oilalarga homiylar tomonidan pul mablag‘lari ham xayriya sifatida topshirildi.
O‘zbekiston musulmonlari idorasi
Matbuot xizmati
Shu yil 25-26 mart kuni Jizzax, Buxoro, Navoiy, Samarqand va Qashqadaryo viloyatlaridan “Haj – 2026” mavsumiga saralab olingan guruh rahbarlari uchun maxsus o‘quv seminari o‘tkazildi. Unda mavsumga puxta tayyorgarlik ko‘rish, ziyoratchilar uchun munosib sharoitlar yaratish va ibodatlarni yuqori saviyada tashkil etish masalasi muhokama etildi.
Mazkur o‘quv mashg‘ulotlarini Din ishlari bo‘yicha qo‘mita bo‘lim boshlig‘i Bobomurod Rustamov, O‘zbekiston musulmonlari idorasi Haj va umra tadbirlarini tashkil etish markazi direktori Maqsud Karimov, Buxoro viloyati bosh imom-xatibi o‘rinbosari Otabek Avezov va Samarqand viloyati bosh imom-xatibi o‘rinbosari Nursultonxon domla Abdumannonov olib bordi.
Seminar davomida notiqlar tomonidan ellikboshilarga yaqinlashib kelayotgan muborak safarning tashkiliy jihatlari, ziyoratchilar bilan ishlashda odob-axloq qoidalari va qonunchilik me’yorlariga rioya qilish yuzasidan muhim ko‘rsatmalar berildi. Xususan, haj amallarini ado etish tartibi, muborak qadamjolarni ziyorat qilish odoblari va ziyoratchilarga ma’naviy ko‘mak berishda guruh rahbarlarining mas’uliyatiga alohida urg‘u qaratildi.
Tadbir yakunida ishtirokchilar o‘zlarini qiziqtirgan savollarga batafsil javob oldilar.
O‘zbekiston musulmonlari idorasi
Matbuot xizmati