Bahouddin Naqshband ilmiy-tadqiqot markazi va Osiyo xalqaro universiteti o‘rtasida hamkorlik memorandumi imzolandi.

Mazkur memorandum ikki muassasa o‘rtasida ilmiy-tadqiqot faoliyatini rivojlantirish, ta’lim va ilm-fan sohasidagi hamkorlikni mustahkamlash, o‘zaro tajriba almashish hamda istiqbolli ilmiy loyihalarni amalga oshirish uchun muhim zamin yaratadi.

Shuningdek, hamkorlik doirasida yosh tadqiqotchilarni qo‘llab-quvvatlash, ilmiy anjumanlar va seminarlar tashkil etish, milliy ma’naviy merosimizni chuqur o‘rganish hamda uning ilmiy ahamiyatini keng targ‘ib qilishga alohida e’tibor qaratilishi ko‘zda tutiladi.

Hamkorlik — taraqqiyot, ilm va ma’rifat sari muhim qadam!

O‘zbekiston musulmonlari idorasi Matbuot xizmati