O‘zbekiston musulmonlari idorasida Islom sivilizatsiyasi markazi Qur’oni karim zali ekspozitsiyasini tashkil etishga bag‘ishlangan uchrashuv bo‘lib o‘tdi. Unda, shuningdek, Qur’on qo‘lyozmalarning faksimile nusxalarini yaratish masalasi ham ko‘rib chiqildi. 

Ma’lumot uchun, Markazning eng asosiy qismida Qur’oni karim zali o‘rin oladi. Bu yerda musulmon dunyosining ma’naviy durdonasi – qadimiy Usmon Mus'hafi joylashtiriladi. Shuningdek, somoniylar, qoraxoniylar, xorazmshohlar, O‘zbekxon, temuriylar va boshqa tarixiy sulolalar davrida bitilgan muqaddas kitobimiz nusxalari va ularning eski o‘zbek tilidagi tarjimalari qo‘yiladi.

Islom sivilizatsiyasi markazi Axborot xizmati