Bog‘otdagi “Mir Hoshim bobo” masjidiga ilk g‘isht qo‘yildi
Bog‘ot tumanida joylashgan “Mir Hoshim bobo” jome masjidini qaytadan qurish uchun tamal toshi qo‘yilgan edi.
Shu yil 12 aprel kuni mazkur masjidning yangi binosi qurilishiga ilk g‘isht qo‘yish marosimi bo‘lib o‘tdi.
Unda Xorazm viloyati bosh imom-xatibi Xayrulla domla Abdullayev, tumandagi imom-xatiblar, mutasaddilar, mahalla faollari va nuroniy otaxonlar ishtirok etdi.
Ulamolarimiz: "Biror hududda masjid barpo etilsa, shu masjidning barakasi butun aholiga tatiydi. Shu yerga fayz, unum va baraka inadi", deyishgan.
Alloh taolo yangi jome tez orada mo‘min-musulmonlar ixtiyoriga topshirilishini nasib etsin. Bu xayrli ishga hissa qo‘shayotganlardan Robbimiz rozi bo‘lsin.
O‘zbekiston musulmonlari idorasi
Xorazm viloyati vakilligi
Matbuot xizmati
Hamdardlik bildiramiz
O‘zbekiston musulmonlari idorasi jamoasi Andijon viloyati bosh imom-xatibining xotin-qizlar masalalari bo‘yicha yordamchisi Shoiraxon hoji onaning umr yo‘ldoshlari Odiljon otaning vafoti munosabati bilan u kishining yaqinlariga chuqur ta’ziya izhor etadi.
Alloh taolo marhum otaxonning barcha solih amallarini o‘zlariga hamroh aylab, O‘z mag‘firatiga olsin. Haq taolo marhum otaxonning yaqinlari, farzandu arjumandlariga chiroyli sabr berib, bu musibatlariga ajru mukofotlar ato etsin.
O‘zbekiston musulmonlari idorasi jamoasi, ulamolari, imom-domlalari va o‘qituvchi-mudarrislari nomidan Shoiraxon hoji onaga, u kishining oila a’zolari, yor-birodarlari, yaqinlariga hamdardlik bildiramiz.
Innaa lillaahi va innaa ilayhi roji’uun.
«Musibat yetganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».
O‘zbekiston musulmonlari idorasi
Muslim.uz