Ko‘chat ekib, bog‘ barpo etish – sadaqai joriya
Jannatmonand yurtimizda ekologik barqarorlikni ta’minlash, tabiiy resurslardan oqilona va samarali foydalanishga katta e’tibor qaratilyapti.
Shu yil 12 aprel kuni poytaxtimizning Bektemir tumanida 4 gektar maydonga 1500 tupga yaqin ko‘chat o‘tqazildi.
Bu jarayonda Toshkent shahar hokimi Shavkat Umurzoqov boshchiliklarida davlat va jamoat tashkilotlari vakillari, xususan, Toshkent shahar bosh imom-xatibi Abduqahhor domla Yunusov hamda poytaxtimiz imom-xatiblari faol ishtirok etdilar.
Yerga qadalgan kapalta, sofora, zarang, eman va chinor kabi daraxtlar vaqt o‘tib muazzam daraxtlarga aylanadi. Poytaxtizimiz ekologiyasini yanada yaxshilashga xizmat qiladi, inshoalloh.
Ekilgan ko‘chat va daraxtlar xamda o‘simliklar doimo Alloh taologa tasbeh aytib turadi. Inson yerning go‘zalligini nafaqat asrab-avaylashi, balki uning yanada gullab-yashnashi uchun o‘z hissasini qo‘shmog‘i lozim.
O‘zbekiston musulmonlari idorasi
Toshkent shahar vakilligi
Matbuot xizmati
Allohim, ofiyatda qil va shifo ber
Bismillahir Rohmanir Rohiym
Ali roziyallohu anhudan rivoyat qilinadi: «Men kasalimdan shikoyat qilib: «Allohim, agar ajalim yaqinlashgan bo‘lsa, meni rohatlantir, agar ajalimni kechiktirgan bo‘lsang, mendan kasallikni ko‘tar. Agar balo keltirgan bo‘lsang, menga sabr ber», deb aytayotganimda, nogahon oldimdan Rasululloh sollallohu alayhi vasallam o‘tib qoldilar. Va: «Nima deding?» deb so‘radilar. Men aytganlarimni takrorladim. U zot oyoqlari bilan meni turtib: «(Yo‘q,)
اللهُمَّ عَافِهِ أَوْ اشْفِهِ
«Allohumma ’afihi» yoki «Allohumma ishfihi» (Allohim, ofiyatda qil yoki shifo ber), deb ayt», dedilar. Men ana shu kundan keyin kasallikdan shikoyat qilmadim» (Imom Termiziy rivoyati).