#Yangiliklar #Haj_2025
O‘zbekiston musulmonlari idorasining Buxoro viloyati vakilligi tashabbusi bilan Buxoro shahridagi “Abu Hafs Kabir” jome masjidida Haj va umraga oid darslar o‘tkazildi.
“Mir Arab” o‘rta maxsum islom ta’lim muassasasi mudiri Jaloliddin domla Saburov va Erkin domla Qudratov bu yil haj safariga ketayotgan navbatdagi guruh a’zolari va tayinlangan ellikboshilar ishtirok etdi.
Ma’ruzada haj qoidalari, ularni buzish oqibatlari, safar odoblari, musofir kishining ibodati, safarga tayyorgarlik va unda e’tibor qaratilishi lozim bo‘lgan ko‘rsatmalar xususida to‘xtalib o‘tdi. Shuningdek, amaliyotga oid maslahatlarni bayon etdi.
Dars mobaynida ishtirokchilarni qiziqtirgan aqidaviy, fiqhiy va diniy-ijtimoiy mavzulardagi savollarga ustozlar tomonidan atroflicha javoblar berildi.
Alloh taolo Haj safariga otlanayotgan hamyurtlarimizning safarini xayrli qilsin, ulug‘ ibodatni bekamu-ko‘st ado etish barchamizga nasib etsin!
O‘zbekiston musulmonlari idorasi
Buxoro viloyati vakilligi
Matbuot xizmati
Bugun, 26 may Madinai Munavvaradagi Masjidu Nabaviyda janoza namozi o‘qilib, "Baqi’" qabristoniga dafn etilgan marhum ustoz Rabbimqul domla Muhammadiyevning xonadonlariga O‘zbekiston musulmonlari idorasi raisi, shayx, mufti Nuriddin Xoliqnazar haziratlarining ta’ziyalarini yetkazish uchun Toshkent shahar bosh imom-xatibi hamda shahar imom-xatiblari tashrif buyurdilar. Ular marhumnmng yaqinlariga hamdardlik bildirib ustoz Rabbimqul domlaning din yo‘lida qilgan xizmatlarini, ezgu amallari va fazilatlarini eslab o‘tdilar.
Qur’oni karim oyatlari o‘qilib, marhum ustoz haqlariga bag‘ishlandi.
Innaa lillaahi va innaa ilayhi roji’uun.
«Musibat yetganda «Albatta, biz Allohnikimiz va albatta, biz Unga qaytuvchimiz», degan sabrlilarga xushxabar bering».
O‘zbekiston musulmonlari idorasi
Toshkent shahar vakilligi
Matbuot xizmati