Sayt test holatida ishlamoqda!
10 Iyun, 2025   |   14 Zulhijja, 1446

Toshkent shahri
Tong
03:05
Quyosh
04:50
Peshin
12:28
Asr
17:37
Shom
19:59
Xufton
21:36
Bismillah
10 Iyun, 2025, 14 Zulhijja, 1446
Yangiliklar

Tavakkul qanday qilinadi?

21.05.2025   6957   2 min.
Tavakkul qanday qilinadi?

Musulmon kishi har bir ishida Alloh taologa tavakkul qiladi. Zero, Alloh taolo tavakkal qiluvchilarni yaxshi ko‘radi. Bu haqda Alloh taolo bunday marhamat qiladi:“(Biror ishga) azmu qaror qilsangiz, Allohga tavakkul qiling. Zero, Alloh tavakkul qiluvchilarni yaxshi ko‘radi” (Oli Imron surasi, 159-oyat). Ushbu oyat tafsirida: “Allohga tavakkul qilish ulug‘ fazilat. Ammo tavakkul, Alloh iroda qilganidek, to‘g‘ri holda bo‘lishi kerak. Ba’zi kishilar tavakkulni yaxshi anglashmaydi. O‘ylamay, urinmay, chora-tadbir ko‘rmay, sabablarini axtarmay, ko‘r-ko‘rona turishni tavakkul deb tushunuvchilar bor.
 

Payg‘ambar sollallohu alayhi vasallamning Uhud urushida qilgan tavakkullarini olaylik. U zot mushriklar askar tortib Uhudga yetib kelganlarini eshitib, tezda musulmonlarni yig‘ib, kengash o‘tkazdilar. O‘zlari birinchi bo‘lib Hujrai saodatga kirib, ustma-ust ikkita sovut kiyib chiqdilar. E’tibor bering – Allohga tavakkul qiluvchilarning eng ulug‘i, peshvosi bo‘lgan zot urushga ketayotib bir emas ikkita sovut kiyib chiqdilar! Odamlarni jihodga targ‘ib qildilar. Manzilga tezroq, osonroq va tinchroq eltuvchi yo‘lni biladigan odamni topib, unga yo‘l boshlashni topshirdilar. Yetib borganlaridan keyin dushmanning kuch-quvvatini yaxshilab hisob-kitob qildilar. So‘ng o‘z jangchilari bilan birma-bir tanishib, hammani joy-joyiga qo‘ydilar. O‘ng qanot va chap qanotlarda kimlar bo‘lishini belgilab, reja tuzdilar. Xullas, urushga zarur bo‘lgan chora-tadbirlarni ko‘rdilar. Ammo Allohga tavakkul qilishlari bu ishlardan ayri emasdi.


Tavakkul bularning barchasini bog‘lab turadigan bir ip misoli. U har bir ishda, chora-tadbirda Allohni vakil deb e’tiqod qilishdir. Afsuski, ko‘pchilik tavakkulni harakatsizlik, urinib ko‘rmaslik bilan bog‘liq holda tushunadi. Ba’zilar Allohga tavakkul qildim, deb harakat qilishlari kerak bo‘lgan ishlarni ham qilishmaydi. Bu esa dangasalik, xolos.


Payg‘ambar alahissalom davrlarida bir kishi kelib: “Yo Rasululloh! Tuyamni bog‘laymi yoki erkin qo‘yib, tavakkul qilaymi?” deb so‘radi.  Payg‘ambar alayhissalom: “Bog‘lab qo‘yib, undan keyin tavakkul qil” dedilar (Imom Termiziy rivoyati).


Alloh taolo barchamizni O‘ziga tavakkal qiladigan bandalari qatorida qilib, ikki dunyo saodatiga musharraf etsin!


Ruhiddin Akbarov,

O‘zbekiston musulmonlari idorasi

Qashqadaryo viloyati vakilligi xodimi

 

O'zbekiston yangiliklari
Boshqa maqolalar

“Qur’oni karim va tajvid” o‘quv kursining bitiruvchilariga sertifikatlar topshirildi

03.06.2025   10875   1 min.
“Qur’oni karim va tajvid” o‘quv kursining bitiruvchilariga sertifikatlar topshirildi

O‘zbekiston musulmonlari idorasi raisi o‘rinbosari, siyosiy fanlar doktori, professor Muhammadolim domla Muhammadsiddiqov, Ta’lim va ilmiy tadqiqotlar bo‘limi mutaxassisi Hurmuhammad Nurbayev Farg‘ona viloyati Buvayda tumanidagi “Qur’oni karim va tajvid” o‘quv kursida bo‘lishdi. 
 

O‘quv kursida 3 oy ta’lim olib, tahsilni yakunlagan 28-davra bitiruvchilari uchun tadbir tashkil etildi.

Yakunda bitiruvchilarga sertifikat va mus'hafi shariflar hadya qilindi.

O‘zbekiston musulmonlari idorasi

Matbuot xizmati

“Qur’oni karim va tajvid” o‘quv kursining bitiruvchilariga sertifikatlar topshirildi “Qur’oni karim va tajvid” o‘quv kursining bitiruvchilariga sertifikatlar topshirildi “Qur’oni karim va tajvid” o‘quv kursining bitiruvchilariga sertifikatlar topshirildi “Qur’oni karim va tajvid” o‘quv kursining bitiruvchilariga sertifikatlar topshirildi “Qur’oni karim va tajvid” o‘quv kursining bitiruvchilariga sertifikatlar topshirildi