“Kim bir yaxshilik keltirsa, uning uchun o‘n barobari bor...”.

Izoh: Ulamolarning aytishlaricha, yaxshilik (hasanot) – niyat va ixlosga bog‘liq holda ko‘payib ketishi mumkin. Yomonlik esa – bir marta yoziladi, lekin agar banda tavba qilsa, u gunoh ham kechirilishi mumkin.

Abu Hurayra roziyallohu anhudan rivoyat qilinadi. Rasululloh sollallohu alayhi vasallam bunday dedilar: “Kim bir yaxshilikka shaylansa-yu, uni qilmasa, unga bitta yaxshilik deb yoziladi. Kim bir yaxshilikka shaylansa-yu, uni qilsa, unga o‘n barobardan yetti yuz barobargacha deb yoziladi. Kim bir yomonlikka shaylansa-yu, uni qilmasa, yozilmaydi. Agar uni qilsa, yoziladi” (Imom Muslim rivoyati).

Yuqoridagi oyatning to‘lig‘i: “Kim bir yaxshilik keltirsa, uning uchun o‘n barobari bor. Kim bir yomonlik keltirsa, u faqat qilganiga yarasha jazolanur. Va ularga zulm qilinmas” (An’om surasi, 160-oyat).