Sayt test holatida ishlamoqda!
22 Noyabr, 2026   |   12 Jumadul soni, 1448

Toshkent shahri
Tong
05:56
Quyosh
07:14
Peshin
12:14
Asr
15:17
Shom
17:02
Xufton
18:18
Bismillah
22 Noyabr, 2026, 12 Jumadul soni, 1448

Vaqt o'g'risi

29.02.2024   4462   3 min.
Vaqt o'g'risi

Biror kimning ziyoratiga bormoqchi bo'lsangiz, ziyoratga munosib vaqt tanlang hamda ko'p o'tirib qolmang. Yengil o'tirib qaytish payida bo'ling. Chunki mezbonning shaxsiy ishlari, vazifalari bo'lishi mumkin, sizga aytishdan hijolat bo'lib turgan bo'lishi mumkin. Ana shunday holatda uning oldida uzoq qolib ketishingiz unga og'irlik bo'ladi.

Shayx Aliy Tantoviy rahimahulloh aytadi: “Erta tongdan uyg'onib ishga otlanadigan odam qolganlarni ham o'ziga o'xshatadi. Bitta odam bir kuni tonggi oltida eshigimni taqillatdi, nima bo'ldi ekan deb o'rnimdan turib qarasam, meni ko'rgani kelgan ekanlar. Menga qarab: “Bezovta qilmadimmi, kettik birga ketamiz!” deydi! Huddi odam uyqudan uyg'ongach, to'shagidan sakrab turib to'g'ri ko'chaga chiqib ketadigandek. Bu baraka topkur o'ylamaydiki, odam degan o'rnidan turgach mundoq yuvinadi, nonushta qiladi, kiyinadi. Men uyg'ongach shularni qilmasam qiynalaman.

Yana ba'zi odamlar o'zi kech uxlagani uchun boshqalarni ham shunday deb o'ylaydi. Shunaqalardan bittasi bir kuni tungi soat o'nda eshigimni taqillatibdi. Uyqimni tashlab u bilan tunning yarimigacha o'tirib chiqdim. Kuni bo'yi ishlab charchagan uy bekasini ham uyg'otib oldim, janobi oliylariga kofe, choy damlab berish uchun, ehtimol og'irlik qilmasa kechki ovqat ham qilib berar dedim.

Yana ba'zilar men ishga yoki biror uchrashuvga ketgan paytim to'satdan kelib qoladi-da, u bilan o'tirishim uchun ortimga qaytaradi.

Hoy birodarlar! Bunaqada vaqtning qadrini qachon bilamiz? Qachon tushunib etamiz bitta odamning bir soat vaqtini o'g'irlasak, cho'ntagidan bir dinor o'g'irlagandek bo'lishimizni?

Qachon Qur'oniy odoblar bilan xulqlanamiz?! Axir Alloh taolo Qur'oni karimda: “O'z uylaringizdan boshqa uylarga to izn so'ramaguningizcha kirmang”(Nur surasi, 27-oyat), degan-ku.

Keyingi oyatda esa: “Agar sizga qayting, deyilsa, bas, qayting, o'sha siz uchun pokdir. Alloh nima amal qilayotganingizni o'ta biluvchidir”(Nur surasi, 28-oyat) deb marhamat qilgan”.

Doktor Hasson Shamsi Poshoning "Metin qoyalar" kitobidan

G'iyosiddin Habibulloh, Ne'matulloh Isomov tarjimasi.

 

Maqolalar
Boshqa maqolalar
Yangiliklar

Ramazonga tayyorgarlik: qorilar va otinoyilar maxsus qiroat kursida ta’lim olmoqda

20.11.2026   58081   1 min.
Ramazonga tayyorgarlik: qorilar va otinoyilar maxsus qiroat kursida ta’lim olmoqda

O‘zbekiston musulmonlari idorasi raisi, muftiy Shayx Nuriddin Xoliqnazar hazratlari tashabbusi bilan yurtimizda qorilar va otinoyilarning Qur’oni karim tilovati bo‘yicha bilim hamda mahoratini yuksaltirishga qaratilgan maxsus o‘quv kurslari tizimli ravishda tashkil etilmoqda.

Xususan, yurtimizda ilk bor Ramazon oyidagi xatmi Qur’on tadbirlarida ishtirok etuvchi qorilar uchun yo‘lga qo‘yilgan malaka oshirish kurslari qizg‘in davom etmoqda. Shu yilning 18 noyabr kuni Diniy idoraning «Qur’on va tajvidni o‘rgatish» bo‘limi boshlig‘i Shayx Ali Fayzulloh Maxdum Toshkent shahridagi «Shayx Zayniddin» jome masjidida o‘tayotgan mashg‘ulotlar jarayoni bilan yaqindan tanishdi.

Tanishuv davomida qorilarning tilovat mahorati va tayyorgarlik darajasi ko‘zdan kechirilib, muborak oy tadbirlarini yuksak saviyada o‘tkazish yuzasidan muhim tavsiyalar berildi. Ma’lumot o‘rnida, kurslarni muvaffaqiyatli tamomlagan qorilarga Ramazon oyidagi xatmi Qur’onlarda ishtirok etish huquqini beruvchi maxsus sertifikatlar topshirilishi rejalashtirilgan.

Shu bilan birga, Diniy idoraning buyrug‘i asosida «Qur’on va tajvidni o‘rgatish» hamda Xotin-qizlar masalalari bo‘yicha bo‘limlari hamkorligida otinoyilar uchun ham o‘quv jarayonlari davom ettirilmoqda. Joriy yilning 16 noyabridan Imom Buxoriy nomidagi Toshkent islom institutida 3 oylik «Tajvid» amaliy mashg‘ulotlarining 2-davrasi o‘z ishini boshladi.

Ushbu darslar otinoyilarning diniy bilim va ilmiy saviyasini oshirish, tilovatini tajvid qoidalari asosida sayqallash hamda Qur’on ilmini xalqimizga, ayniqsa xotin-qizlarga puxta va go‘zal yetkazishda muhim ahamiyat kasb etadi.

O‘zbekiston musulmonlari idorasi Matbuot xizmati

O'zbekiston yangiliklari