Sayt test holatida ishlamoqda!
23 Noyabr, 2026   |   13 Jumadul soni, 1448

Toshkent shahri
Tong
05:57
Quyosh
07:15
Peshin
12:15
Asr
15:17
Shom
17:01
Xufton
18:17
Bismillah
23 Noyabr, 2026, 13 Jumadul soni, 1448

Vaqt o'g'risi

29.02.2024   4484   3 min.
Vaqt o'g'risi

Biror kimning ziyoratiga bormoqchi bo'lsangiz, ziyoratga munosib vaqt tanlang hamda ko'p o'tirib qolmang. Yengil o'tirib qaytish payida bo'ling. Chunki mezbonning shaxsiy ishlari, vazifalari bo'lishi mumkin, sizga aytishdan hijolat bo'lib turgan bo'lishi mumkin. Ana shunday holatda uning oldida uzoq qolib ketishingiz unga og'irlik bo'ladi.

Shayx Aliy Tantoviy rahimahulloh aytadi: “Erta tongdan uyg'onib ishga otlanadigan odam qolganlarni ham o'ziga o'xshatadi. Bitta odam bir kuni tonggi oltida eshigimni taqillatdi, nima bo'ldi ekan deb o'rnimdan turib qarasam, meni ko'rgani kelgan ekanlar. Menga qarab: “Bezovta qilmadimmi, kettik birga ketamiz!” deydi! Huddi odam uyqudan uyg'ongach, to'shagidan sakrab turib to'g'ri ko'chaga chiqib ketadigandek. Bu baraka topkur o'ylamaydiki, odam degan o'rnidan turgach mundoq yuvinadi, nonushta qiladi, kiyinadi. Men uyg'ongach shularni qilmasam qiynalaman.

Yana ba'zi odamlar o'zi kech uxlagani uchun boshqalarni ham shunday deb o'ylaydi. Shunaqalardan bittasi bir kuni tungi soat o'nda eshigimni taqillatibdi. Uyqimni tashlab u bilan tunning yarimigacha o'tirib chiqdim. Kuni bo'yi ishlab charchagan uy bekasini ham uyg'otib oldim, janobi oliylariga kofe, choy damlab berish uchun, ehtimol og'irlik qilmasa kechki ovqat ham qilib berar dedim.

Yana ba'zilar men ishga yoki biror uchrashuvga ketgan paytim to'satdan kelib qoladi-da, u bilan o'tirishim uchun ortimga qaytaradi.

Hoy birodarlar! Bunaqada vaqtning qadrini qachon bilamiz? Qachon tushunib etamiz bitta odamning bir soat vaqtini o'g'irlasak, cho'ntagidan bir dinor o'g'irlagandek bo'lishimizni?

Qachon Qur'oniy odoblar bilan xulqlanamiz?! Axir Alloh taolo Qur'oni karimda: “O'z uylaringizdan boshqa uylarga to izn so'ramaguningizcha kirmang”(Nur surasi, 27-oyat), degan-ku.

Keyingi oyatda esa: “Agar sizga qayting, deyilsa, bas, qayting, o'sha siz uchun pokdir. Alloh nima amal qilayotganingizni o'ta biluvchidir”(Nur surasi, 28-oyat) deb marhamat qilgan”.

Doktor Hasson Shamsi Poshoning "Metin qoyalar" kitobidan

G'iyosiddin Habibulloh, Ne'matulloh Isomov tarjimasi.

 

Maqolalar
Boshqa maqolalar
Yangiliklar

Hakim Termiziy tavalludining 1200 yilligiga bag‘ishlangan xalqaro anjuman boshlandi

20.11.2026   52520   1 min.
Hakim Termiziy tavalludining 1200 yilligiga bag‘ishlangan xalqaro anjuman boshlandi

Bugun, 20 noyabr kuni Termiz shahridagi Imom Termiziy xalqaro ilmiy-tadqiqot markazida «Hakim Termiziy ilmiy-ma’naviy merosining bugungi kundagi ahamiyati» mavzusidagi ilmiy konferensiyaga start berildi.

Nufuzli tadbirda Malayziya, Indoneziya, Misr, Italiya hamda Markaziy Osiyo davlatlaridan 20 dan ortiq taniqli olim va ulamolar, musulmon mamlakatlari muftiylari, shuningdek, yurtimizning davlat va jamoat arboblari, yetakchi islomshunos mutaxassislari ishtirok etmoqda.

O‘zbekiston musulmonlari idorasi Matbuot xizmati

O'zbekiston yangiliklari