Otam qiyinchilik ko'rib katta bo'lgan ekanlar. “Maktabni ham zo'rg'a bitirganman” derdilar. Gaplarining rostligi biror nima o'qisalar, juda sekin, hijjalab o'qishlaridan bilinib turardi. Bilmagan odam dadamning sekin o'qishlaridan ko'zlari xiralashib qolganmikin deb o'ylardi. Yozishlari ham shunga yarasha edi. Lekin bizga juda mehribon edilar. Agar gap bizning o'qishimizga kelib taqaladigan bo'lsa, qayerdan bo'lsa ham, tunlari ishlab bo'lsa ham pul topib berishga harakat qilardilar. Bizga yaxshi edirib ichirish, o'qitish uchun qo'llaridan kelgan bor imkoniyatlarini ishga solardilar.
Bir kuni dadam bilan Qohiraga bordik. Shahar katta, ko'chalar gavjum edi. Tushlik uchun kichikroq bir oshxonaga kirdik. Men o'sha paytlarda o'smir yigit edim. Otam oshxona xizmatchisiga o'zlari uchun 250 grammlik, menga esa 500 grammlik qovurilgan go'sht buyurtma berdilar. Men hayron bo'lib, “Nega menga ko'proq?” deb so'radim. Otam: “Sen yosh yigitsan, hozir eydigan payting. Katta-katta eyishing kerak. Mening uncha ishtaxam yo'q”, dedilar.
Ovqatlanib bo'lganimizdan so'ng choyxo'rlik qildik. Dadam gapni uzoqdan olib kelib menga nasihat qila boshladilar. Ayni qonim qizigan navqiron paytim bo'lganim uchun bo'lsa kerak, meni zinodan qattiq ogohlantiridlar. Ko'zimni va barcha a'zolarimni bu chirkin ishni qilishdan saqlashimni tayinladilar. Buning uchun nimalar qilishim, nimalardan ogoh bo'lishim kerakligi, do'stlarim qanday bo'lishi kerakligigacha tushuntirdilar.
O'sha kundan beri necha yillar o'tdi. Lekin dadamning o'sha nasihatlari qulog'imda qoldi. Allohga shukrlar bo'lsinki, O'zining fazli ila men hech ham bu qing'ir yo'lga qadam bosmadim. Qachon xayolimga shu gunohni qilish fikri keladigan bo'lsa, dadamning nasihatlari yodimga tushar va o'zimni bu ishdan tiyardim. Dadam o'sha kuni yo'l-yo'lakay ovqatlanish uchun kirgan paytimizdan ham o'sha fursatdan juda zo'r foydalangan ekanlar.
Farzandingiz bilan oshxonaga ovqatlanishga kirishingiz katta bir tarbiyaviy fursatdir. Siz taom ustida o'g'lingiz yoki qizingizga ta'sirli gaplar aytib nasihat qiling. Bu g'animat fursat. Farzandingizning faqat tanasiga emas, ruhiga ham ozuqa berishga shoshiling.
Doktor Abdulloh Muhammad Abdulmu'tining
"Farzand tarbiyasida 700 ta saboq" kitobidan
G'iyosiddin Habibulloh, Kamronbek Islom tarjimasi.
Bugun, 20 noyabr kuni Termiz shahrida o‘tkazilgan «Hakim Termiziy ilmiy-ma’naviy merosining bugungi kundagi ahamiyati» mavzusidagi xalqaro konferensiya ishtirokchilari buyuk mutafakkir majmuasida bo‘ldilar.
Xorijiy davlatlardan tashrif buyurgan muftiylar, taniqli ulamo va islomshunos olimlar hamda mahalliy soha vakillari muqaddas qadamjoda Qur’oni karim tilovat qilib, ulug‘ muhaddis va mutasavvif haqlariga duoi fotiha o‘qidilar. Butun dunyoda tinchlik-osoyishtalik barqaror bo‘lishi, yurtimiz yanada obodlashib, ajdodlarga munosib avlodlar yetishib chiqishini so‘rab xayrli duolar qilindi.
Mehmonlar mahobatli maqbara, serfayz hovli hamda majmuada amalga oshirilgan keng ko‘lamli bunyodkorlik ishlari bilan yaqindan tanishdilar.
Ular O‘zbekistonda diniy-ma’rifiy sohadagi islohotlar va allomalar merosiga ko‘rsatilayotgan yuksak ehtiromga yuqori baho berdilar.
O‘zbekiston musulmonlari idorasi Matbuot xizmati