Bismillahir Rohmanir Rohiym
Anas roziyallohu anhudan rivoyat qilinadi: "...Allohning Nabiysi sollallohu alayhi vasallam pardani ushlab, ko‘tardilar. Allohning Nabiysi sollallohu alayhi vasallamning yuzlari bizga ko‘ringan paytdagidan go‘zalroq manzarani ko‘rmaganmiz..." (Imom Muslim rivoyati).
Abdulloh ibn Ka’b aytadi: "Ka’b ibn Molikning Tabukdan qolib ketgan paytini so‘zlab, bunday deganini eshitganman: "Rasululloh sollallohu alayhi vasallamga salom berdim. U zotning yuzlari shodlikdan yashnar edi. Rasululloh sollallohu alayhi vasallam qachon xursand bo‘lsalar, yuzlari yorishib, xuddi oyning parchasidek bo‘lib ketardi. Biz buni shundan bilib olar edik" (Imom Buxoriy rivoyati).
Muharram oyining 1-kuni — 2026 yil 16 iyun, seshanba kuniga to‘g‘ri kelmoqda.
Muharram — hijriy taqvimning birinchi oyi bo‘lib, Qur’oni karimda zikr qilingan to‘rt ulug‘ va hurmatli oylardan biridir.
Payg‘ambarimiz sollallohu alayhi vasallam yangi chiqqan oyni ko‘rganlarida shunday duo qilardilar:
اللَّهُمَّ أَهِلَّهُ عَلَيْنَا بِالْيُمْنِ وَالْإِيمَانِ وَالسَّلَامَةِ وَالْإِسْلَامِ رَبِّي وَرَبُّكَ اللهُ
O‘qilishi:
«Allohumma ahillahu alayna bil-yumni val-iymani, vas-salaamati val-Islami, Robbiy va Robbukalloh».
Ma’nosi:
«Ey Allohim! Bu oyni bizlarga baraka va imon, salomatlik va Islom oyi qilgin! Ey hilol, mening ham, sening ham Robbing Allohdir!»
Yangi 1448-hijriy yilda Alloh taolo xonadonlarimizga tinchlik va baraka, qalblarimizga mustahkam iymon bersin va hayotimizda bizni solih amallarga muvaffaq aylasin!
1448 hijriy yil — muborak bo‘lsin!
#hijriy_1448_yil #yangi_oy_e’loni #yangi_hijriy_yil
O‘zbekiston musulmonlari idorasi
Matbuot xizmati