Sayt test holatida ishlamoqda!
23 Noyabr, 2026   |   13 Jumadul soni, 1448

Toshkent shahri
Tong
05:57
Quyosh
07:15
Peshin
12:15
Asr
15:17
Shom
17:01
Xufton
18:17
Bismillah
23 Noyabr, 2026, 13 Jumadul soni, 1448

Facebook va Twitter tarmoqlaridagi do'stlar

23.02.2024   1272   2 min.
Facebook va Twitter tarmoqlaridagi do'stlar

Bir bilimdon kishidan so'rashibdi: “Facebookda eng yaxshi do'st kim?”.

Biroz jim turib, so'ng javob beribdi: “U bilan kam gaplashsangiz koyimaydigan, “biror sababi bordir”, deya yaxshi gumon qiladigan, sizni rasm bilan belgilamaydigan, guruhlarga qo'shib qo'ymaydigan, siz bilan biror fikrda bahslashganda darrov arazlashga, jahl qilishga o'tmaydigan, sizni “blokirovka” qilib qo'ymaydigan, aksincha ko'p bahslashishi sizga bo'lgan yaqinligini, mehrini, hurmatini ko'taradigan do'st Facebookdagi eng yaxshi do'stdir”

Keyin yana so'rashibdi: “Eng yomon do'st kim?”.

“Yomon xislatlar haqida qo'ygan hamma postda siz uni nazarda tutgansiz deb o'ylaydigan, gapingizni eng yomon ma'noda qabul qiladigan, gapingizning agar etmishta to'g'ri ma'nosi bo'lsa, hammasini qo'yib, yomon ma'noda tushunib oladigan odam – eng yomon do'st”.

Keyin bularning hammasidan ham yomonroq narsa haqida so'rashibdi.

Ko'zlari yoshga to'lib debdiki: “Kimdirdan sadoqatni kutsang-u, u sendan yuz o'girsa, sadoqatga muvofiq ish qilmasa mana shu eng og'ir holat!

Ba'zilar sadoqatni pulga sotib olsa bo'ladi deb o'ylaydi. Aslida bitta qalin do'stga erishishga ketkazgan yillaringizda Facebook va Twitterda minglab do'stlar orttirsangiz bo'ladi.

Odamlar bilan yaxshi do'stlik rishtalarini bog'lash hozirgi kunda juda oson, bitta tugmani bosasiz, qarabsizki bitta do'stingiz bor. Biroq bu haqiqiy do'stmi?

Ma'lum bir shirkat yoxud mavqe' egasi bo'lmasangiz, Facebookda tanimagan odamlaringizni o'zingizga qo'shmang, faqat tanishlaringiz bilan gaplashing. Chunki tanimagan odam sizning manzilingizga sizga loyiq bo'lmagan rasmni tashlab qo'yishi yoki noo'rin kommentariyalar yozib qo'yishi mumkin.

Begona odamlar bilan tanishish bilan vaqtingizni ketkazmang, chunki narigi tarafda turib sizga yozayotgan odam kim ekanini bilmaysiz, hatto u ayol kishi bo'lishi ham mumkin!”.

Doktor Hasson Shamsi Poshoning "Metin qoyalar" kitobidan

G'iyosiddin Habibulloh, Ne'matulloh Isomov tarjimasi.

Maqolalar
Boshqa maqolalar
Yangiliklar

Xalqaro anjuman ishtirokchilari Hakim Termiziy maqbarasini ziyorat qildilar

20.11.2026   111509   1 min.
Xalqaro anjuman ishtirokchilari Hakim Termiziy maqbarasini ziyorat qildilar

Bugun, 20 noyabr kuni Termiz shahrida o‘tkazilgan «Hakim Termiziy ilmiy-ma’naviy merosining bugungi kundagi ahamiyati» mavzusidagi xalqaro konferensiya ishtirokchilari buyuk mutafakkir majmuasida bo‘ldilar.

Xorijiy davlatlardan tashrif buyurgan muftiylar, taniqli ulamo va islomshunos olimlar hamda mahalliy soha vakillari muqaddas qadamjoda Qur’oni karim tilovat qilib, ulug‘ muhaddis va mutasavvif haqlariga duoi fotiha o‘qidilar. Butun dunyoda tinchlik-osoyishtalik barqaror bo‘lishi, yurtimiz yanada obodlashib, ajdodlarga munosib avlodlar yetishib chiqishini so‘rab xayrli duolar qilindi.

Mehmonlar mahobatli maqbara, serfayz hovli hamda majmuada amalga oshirilgan keng ko‘lamli bunyodkorlik ishlari bilan yaqindan tanishdilar.

Ular O‘zbekistonda diniy-ma’rifiy sohadagi islohotlar va allomalar merosiga ko‘rsatilayotgan yuksak ehtiromga yuqori baho berdilar.

O‘zbekiston musulmonlari idorasi Matbuot xizmati

O'zbekiston yangiliklari