Shu yil 8 sentyabr kuni “Yangi O‘zbekistonning tinchlik va ma’naviyat targ‘ibotchilari bo‘lamiz” degan ezgu tashabbus doirasida bir guruh hojilar Qarshi shahridagi 51-maktabga kitoblar va sport anjomlari ehson qildi.
Mazkur maktab kutubxonasiga umumiy qiymati 15 mln.so‘mlik badiiy va ilmiy-ommabop kitoblar, shuningdek, bolalar o‘rtasida sportga qiziqishni oshirish maqsadida sport anjomlari topshirildi.
Hozirgi kunda hojilar ma’naviy targ‘ibot ishlari bilan birga, maktablarga xayriyalar qilish orqali yosh avlodga sifatli ta’lim berish va ularning kelajakda Vatanga fidoiy farzandlar bo‘lib yetishishigaga hissa qo‘shmoqda.
O‘zbekiston musulmonlari idorasi
Qashqadaryo viloyati vakilligi
Matbuot xizmati
Qoraqalpog‘iston Respublikasi Vazirlar Kengashi Raisining o‘rinbosari A.Allaniyazov shahar va tuman bosh imomlari bilan uchrashuv o‘tkazdi. Qoraqalpog‘iston musulmonlari qozisi B. Razov olib borgan tadbirda quyidagi muhim masalalarga e’tibor qaratildi:
Islohotlar targ‘iboti: Yurtimizdagi o‘zgarishlarni xalqqa to‘g‘ri yetkazish va tinchlikni asrashda imomlarning o‘rni;
Ma’rifiy islom: Yoshlarga ijtimoiy tarmoqlarda sof islom dini mazmunini va Hanafiy mazhabi ta’limotlarini to‘g‘ri tushuntirish;
Ma’naviy tarbiya: Juma va kundalik namozlarda dolzarb mavzular bo‘yicha manzilli tushuntirish ishlarini olib borish;
Hamjihatlik: Mahallalardagi ijobiy o‘zgarishlarni e’tirof etgan holda, mamlakat taraqqiyoti yo‘lida bir yoqadan bosh chiqarib harakat qilish.
Uchrashuv yakunida diniy soha vakillariga berilayotgan e’tibor va imkoniyatlarga munosib ravishda, xalq farovonligi yo‘lida faol xizmat qilish lozimligi ta’kidlandi.
Qoraqalpog‘iston musulmonlari qoziyoti