Savol: Agar biror kishi tahoratli bo‘lsa va uni chivin yoki pashsha chaqib, qonini so‘rsa, bu holatda uning tahorati sinadimi?

Javob: Bismillahir Rohmanir Rohiym. Yo‘q. Chivin yoki pashsha kabi mayda hasharotlar tahorati bor inson tanasidan qon so‘rsa ham, uning tahorati sinmaydi.

Chunki fiqhiy qoidaga ko‘ra, inson tanasidan chiqqan qon oz miqdorda oqishi bilan ham tahorat sinadi, ammo chiqqan joyida atrofga oqmasdan turib qolsa, sinmaydi.

Faqihlarimiz mayda hasharotlar so‘rgan qonni oqmagan qon hukmida bo‘ladi, deyishgan. Vallohu a’lam.

O‘zbekiston musulmonlari idorasi
Fatvo markazi.