Sayt test holatida ishlamoqda!
23 Noyabr, 2026   |   13 Jumadul soni, 1448

Toshkent shahri
Tong
05:57
Quyosh
07:15
Peshin
12:15
Asr
15:17
Shom
17:01
Xufton
18:17
Bismillah
23 Noyabr, 2026, 13 Jumadul soni, 1448

Ixlosli mo'min barakalidir

20.02.2024   750   4 min.
Ixlosli mo'min barakalidir

“Mollarini Alloh rizoligini istab, samimiy dillaridan chiqarib sarf qiladigan kishilar adirdagi boqqa o'xshar: unga jala quygach, hosilini ikki barobar etishtirar. Agar unga jala yog'magan bo'lsa, tomchilab yoqqan yomg'ir ham (o'ziga yarasha undirar). Alloh qilayotgan amallaringizni ko'rib turuvchidir” (Baqara surasi, ٢٦٥-oyat).

Har bir musulmon hayoti da­vomida yaxshi amallar, ezgu ish­lar payida bo'­lishi lozim. Chunki xayrli ishlar mo'­min kishining hayoti mazmuniga aylan­sa­gina, oyati karimaning amaldagi is­botini ko'radi.

Oyati karimada mo'min kishi vasf qi­linmoqda. U riyo uchun emas, Allohning roziligi uchun ixlos bilan sadaqa qiladi. Uning qalbi sil­liq toshdek qotib qol­gani yo'q, balki iymon nuri ila munavvar, yaxshilik umidi bilan obod.

“Mollarini Alloh rizoli­gini is­tab, samimiy dilla­ridan chiqarib sarf qiladi­gan kishilar adirdagi boqqa o'xshar”.

Tepalikdagi bog' bahavo bo'­ladi. “Unga jala quygach, hosilini ik­ki barobar etishtirar”. Ya'ni, u yoqqan yomg'irdan unumdor bo'ladi. To'la ishonch bilan, Allohning roziligini tilab qilingan sadaqa ham shunday: egasini mo'l savobga erishtiradi. U bog'ning mevasi ko'payishi uchun doimo kuchli yomg'ir yog'ishi shart emas.

“Agar unga jala yog'magan bo'lsa, tomchi­lab yoqqan yomg'ir ham (o'ziga yarasha undi­rar)”. Maydalab yoqqan yomg'ir bilan ham uning mevasi ko'payaveradi. Shuningdek, mo'min bandaning riyosiz, minnatsiz va ozorsiz, ixlos bilan qilgan nafaqasi oz bo'lsa ham, ko'p ajr-savobga sabab bo'­laveradi.

“Alloh qilayotgan amal­laringizni ko'rib turuv­chidir”.

Kim nima qilyapti, sadaqani qanday ber­yapti, kim Allohning ro­ziligini is­tayapti – ham­ma-hammasini Alloh ko'rib turadi.

Hayr va hasanotni mo'l qilish, saxiy bo'lish lozim. Alloh xayr qiluvchi, saxiy qullarini sevadi.

“Bir dona xurmo bilan bo'lsa ham, faqirga ik­rom etgan kishiga o'sha xurmo donasi besh narsani mujdalaydi:

1) men bir dona edim, meni ko'pay­tirding; .

2) kichik narsa edim, ul­g'aytirding; .

3) men dushman edim, sen do'st aylading;

4) men eyilib yo'q qili­nardim, meni abadiy­lash­tirding; .

5) hozirgacha sen meni saqlashga hara­kat etarding, bundan buyon men sening saqla­nishingga sabab bo'laman”. 

Alloh taolo barchamizning sadaqa, ehsonlari­mizni beriyo, benuqson qabul aylab, savoblarini ko'paytirib bersin.

Zayniddin G'IYoSIDDINOV,

Oltinko'l tumani “Maslahat” jome

masjidi imom-xatibi

Maqolalar
Boshqa maqolalar
Yangiliklar

Xalqaro anjuman ishtirokchilari Hakim Termiziy maqbarasini ziyorat qildilar

20.11.2026   112083   1 min.
Xalqaro anjuman ishtirokchilari Hakim Termiziy maqbarasini ziyorat qildilar

Bugun, 20 noyabr kuni Termiz shahrida o‘tkazilgan «Hakim Termiziy ilmiy-ma’naviy merosining bugungi kundagi ahamiyati» mavzusidagi xalqaro konferensiya ishtirokchilari buyuk mutafakkir majmuasida bo‘ldilar.

Xorijiy davlatlardan tashrif buyurgan muftiylar, taniqli ulamo va islomshunos olimlar hamda mahalliy soha vakillari muqaddas qadamjoda Qur’oni karim tilovat qilib, ulug‘ muhaddis va mutasavvif haqlariga duoi fotiha o‘qidilar. Butun dunyoda tinchlik-osoyishtalik barqaror bo‘lishi, yurtimiz yanada obodlashib, ajdodlarga munosib avlodlar yetishib chiqishini so‘rab xayrli duolar qilindi.

Mehmonlar mahobatli maqbara, serfayz hovli hamda majmuada amalga oshirilgan keng ko‘lamli bunyodkorlik ishlari bilan yaqindan tanishdilar.

Ular O‘zbekistonda diniy-ma’rifiy sohadagi islohotlar va allomalar merosiga ko‘rsatilayotgan yuksak ehtiromga yuqori baho berdilar.

O‘zbekiston musulmonlari idorasi Matbuot xizmati

O'zbekiston yangiliklari